Аўтацэнтр «Атлант-М Баравая» Ford правёў у сваіх сценах Дзень беларускай мовы. Супрацоўнікі сервіснага цэнтра не толькі размаўлялі на беларускай мове, але і давалі ў падарунак аўдыёкнігу.Сродкі візуалізацыі таксама былі замененыя: бэйджы, таблічкі, прайс-лісты былі перакладзены з рускай на беларускую мову.
«Выкарыстоўваючы новую форму дыялогу, мы імкнёмся даць беларусам магчымасць камунікаваць так, як ім падабаецца. Асобныя кліенты з задавальненнем размаўляюць на беларускай мове, і нам бы хацелася, каб яны мелі такую магчымасць пры наведванні нашага аўтацэнтра. Мы не ставім перад сабой задачу зрабіць беларускую мову стандартам зносін. Наша мэта, роўна як і кампаніі Ford, даць людзям лепшае. Даць свабоду ў выбары не толькі якаснага аўтамабіля, але і мовы зносін», — падкрэсліў дырэктар аўтацэнтра «Атлант-М Баравая» Ford Сяргей Елістратаў.
Ідэя правядзення адмысловых дзён беларускай у кампаніі была агучаная ў чэрвені гэтага года. Тады было абвешчана пра пачатак рэалізацыі спецыяльнай канцэпцыі прасоўвання аўтацэнтрам сваіх прадуктаў і сервісных паслуг у Беларусі. Яна заснаваная на выкарыстанні новых камунікатыўных інструментаў, уключаючы практычнае прымяненне беларускай мовы.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было6
Каментары