Амбасада Чэскай Рэспублікі выражае сваю заклапочанасьць у сувязі зь непраўдзівай інфармацыяй, якая прагучала па беларускім тэлебачаньні і якая датычыць Амбасады ў Менску.
Прэс-рэліз
Амбасада Чэскай Рэспублікі выражае сваю заклапочанасьць у сувязі зь непраўдзівай інфармацыяй, якая прагучала па беларускім тэлебачаньні і якая датычыць Амбасады ў Менску.
Беларускае тэлебачаньне ў праграме «Панарама» ад 19 лютага распаўсюдзіла непраўдзівую інфармацыю з мэтай дыскрэдытацыі нашай краіны і Амбасады Чэхіі ў Беларусі.
Міністэрства замежных спраў Чэскай Рэспублікі пераклала Рэзалюцыю ААН №13/2005 на беларускую мову для ўсіх, хто цікавіцца правамі людзей у Беларусі. Буклеты, паказаныя ў праграме «Панарама» — гэта не «дывэрсія», а тэкст, афіцыйна апублікаваны і ўзгоднены з Арганізацыяй Аб’яднаных Нацый.
На жаль, беларускі рэжым валодае дзяржаўнай манаполіяй на распаўсюд інфармацыі сярод грамадзян Беларусі. Амбасада хацела б падкрэсьліць, што праўдзівая і незалежная інфармацыя ёсьць умовай дэмакратыі. Яна заклікае беларускае тэлебачаньне даносіць да беларускіх людзей аб’ектыўную інфармацыю.
Амбасада настойвае на тым, што яна вядзе празрыстую і адкрытую дыпляматычную дзейнасьць, якая заснавана на Венскай канвэнцыі аб дыпляматычных зносінах.
Усе, хто зацікаўлены ў свабоднай і праўдзівай інфармацыі, могуць атрымаць буклеты ў Амбасадзе Чэхіі на зав.Музычным, Менск.
Менск, 20 лютага 2006
Цяпер чытаюць
Хітры расіянін Яўген з жонкай і малым прыдумалі, як бясплатна пажыць у кватэры беларускі5
Каментары