Сустаршыня Еўранеста назваў беларускую крытыку Усходняга партнёрства абсурдам
Сустаршыня Еўранеста, былы міністр замежных спраў Украіны Барыс Тарасюк лічыць беларускую крытыку Усходняга партнёрства абсурдам.
У кастрычніку міністр замежных спраў Беларусі Сяргей Мартынаў назваў галоўным недахопам Усходняга партнёрства адсутнасць «практычных, рэальных спраў».
Барыс Тарасюк пракаментаваў гэтую заяву наступным чынам: «Дай бог Беларусі ўвайсці ў працэс Усходняга партнёрства, і ў Беларусі будзе вельмі шмат працы. Украіна ўжо прайшла гэты шлях. І на тое, што Беларусі яшчэ трэба прайсці, у нас пайшлі гады. Таму крытыкаваць механізм супрацоўніцтва з Еўрапейскім саюзам, не будучы ўдзельнікам гэтага механізма, — гэта, выбачайце, абсурд».
Канферэнцыя старшыняў палітычных фракцый Еўрапарламента 10 лютага прыняла рашэнне аб скліканні першага пасяджэння Еўранеста без беларускай дэлегацыі.
Пастанова пачаць працу Еўранеста без прадстаўнікоў грамадзянскай супольнасці і парламента Беларусі была прынята ў Еўрапарламенце аднагалосна.
Раней прадугледжвалася, што ў працы Парламенцкай асамблеі праграмы Еўрасаюза «Усходняе партнёрства» (Еўранест) возьмуць удзел 60 еўрадэпутатаў, а таксама па 10 прадстаўнікоў (у асноўным парламентарыяў) ад Грузіі, Украіны, Арменіі, Азербайджана, Малдовы і Беларусі. У дачыненні да апошняй разглядаліся розныя варыянты: запрашэнне выключна апазіцыі або апазіцыі і пяці прадстаўнікоў парламента. Аднак гэтыя ідэі не знайшлі разумення ні ў афіцыйнага Мінска, ні ў шэрагу краін — суседзяў ЕС.
Устаноўчае пасяджэнне Еўранеста прайшло ў Бруселі 3 мая без удзелу Беларусі.
Цяпер чытаюць
Начальнік міліцыі Брагіна страляў у сваю жонку. Яна цудам выжыла10
Каментары