У першым туры парламенцкіх выбараў у Егіпце перамагаюць «Браты-мусульмане». Гэтая партыя нарадзілася як рух грамадзянскай салідарнасці. Яна стаіць на пазіцыях, блізкіх да еўрапейскіх хрысціянскіх дэмакратаў. Паводле першых ацэнак, створаная братамі-мусульманамі Партыя свабоды і спрпавядлівасці набірае ад 40 да 47% галасоў.
На другім месцы — свецкі Егіпецкі блок. Гэта кааліцыя ліберальных і левых партый, блізкая па пазіцыях да еўрапейскіх сацыял-дэмакратаў. У Егіпецкага блока ад 20 да 22% галасоў.
У парламент пройдуць таксама радыкальныя ісламісты-салафісты і дэпутаты, блізкія да старога рэжыму Мубарака — апошнія, як чакаецца, перамогуць у сельскіх акругах.
Розніца між Братамі-мусульманамі і салафістамі ў тым, што першыя імкнуцца прыстасаваць нормы шарыяту да сучаснага свету, а салафісты — сучасны свет да шарыяту.
Выбары пройдуць у 3 туры, вайскоўцы перададуць уладу дэмакратычна абранаму прэзідэнту й парламенту ў наступным годзе.
Вынікі выбараў у Егіпце амаль дакладна паўтараюць расклад сілаў у Тунісе. Там таксама мусульманскія дэмакраты атрымалі адносную большасць і сфармавалі кааліцыйны ўрад з некаторымі левымі і цэнтрысцкімі партыямі.
Каментары