Кошт навучання ў беларускіх ВНУ ў хуткім часе будзе павялічаны, прычым значна
«Мы ўсе добра разумеем, што калі расходы павялічваюцца, то іх неяк трэба пакрываць», — кажуць у Мінадукацыі.
паведаміў начальнік упраўлення вышэйшай і сярэдняй спецыяльнай адукацыі Міністэрства адукацыі Юрый Міксюк.
Паводле яго слоў, гэта звязана з ростам заработнай платы выкладчыцкага складу, які адбудзецца з павышэннем з 1 студзеня тарыфнай стаўкі першага разраду на 32,5% (са 151 тыс. да 200 тыс. рублёў). «Мы ўсе добра разумеем, што калі расходы павялічваюцца, то іх неяк трэба пакрываць», — сказаў Міксюк.
Раней павелічэнне кошту навучання ў ВНУ «было нязначным», ВНУ максімальна імкнуліся да зніжэння сабекошту сваіх паслуг. «Далей ісці па такім шляху ўніверсітэты не могуць, таму я думаю, што будзе адэкватнае ўзважанае павышэнне», — заявіў прадстаўнік Мінадукацыі. Ён мяркуе, што гэта павышэнне «моцна не паўплывае на магчымасці студэнцтва атрымліваць адукацыю».
Міксюк пакуль не гатовы сказаць, на колькі менавіта ўзрасце кошт навучання і з якога месяца будзе праведзены пераразлік.«Сёння мне цяжка сказаць — гэтым займаюцца эканамічныя службы, яны працуюць з універсітэтамі, правяраюць разлікі», — сказаў ён.
Апошні раз кошт навучання ў ВНУ і сярэдніх спецыяльных навучальных установах павышаўся 1 кастрычніка або 1 лістапада 2011 года (у залежнасці ад рашэння адміністрацыі ўстановы адукацыі). Пераразлік быў праведзены ў сувязі з павелічэннем з 1 кастрычніка 2011 года стаўкі першага разраду на 28%, цэн і тарыфаў на паслугі. Тады Міністэрства адукацыі рэкамендавала ВНУ і сярэдніх спецыяльных навучальных установах не павялічваць кошт навучання больш чым на 25%.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?11
Каментары