Станцыя не павінна будавацца па савецкаму-расейскаму праекту і расейцамі. Недапушчальна, каб гэты праект ажыцьцяўляўся пры сёньняшнім рэжыме.
Беларускія мэдыі на мінуўшым тыдні паведамілі навіну, ад якой, успамінаючы іншыя вядомыя архітэктурныя праекты эпохі Лукашэнкі, па сьпіне прабеглі дрыжыкі: замест першапачатковых 9 год, атамная электрастанцыя ў Беларусі будзе пабудаваная за 4 гады.
…
Разбэшчаная расейскімі купленымі за пацалункі нафтай і газам, беларуская луканоміка спажывае для стварэньня 1000 даляраў свайго СУП прыкладна ў два разы больш энэргарэсурсаў, чым эканоміка Расеі, у 8 разоў больш, чым нямецкая эканоміка і ў 10 (дзесяць) разоў больш, чым эканомікі Вялікай Брытаніі і Японіі. І тут Беларусь кінулі ў «халодную ваду». Савецкі Саюз і халява скончыліся.
…
Канечне, Чарнобыльская катастрофа на псыхалягічным узроўні зрабіла тэму будаўніцтва атамнай электрастанцыі ў Беларусі табу, паставіла зразумелы ўнутраны блёк перад гэтым у многіх. Аднак, перад краінай цяпер стаіць вострая праблема энэргазабесьпячэньня. Расейская прапаганда вельмі любіць выраз «энэргетычная бясьпека» – і менавіта яна зараз пад пагрозаю. Атамная электрастанцыя зрабіла б важкі ўнёсак у вырашэньне гэтай праблемы, гэта факт.
Цалкам іншае пытаньне — калі, кім і як павінен выконвацца праект будаўніцтва АЭС. Дакладна адно: недапушчальна, каб гэты праект ажыцьцяўляўся пры сёньняшнім рэжыме.
…
Станцыя не павінна будавацца па савецкаму-расейскаму праекту і расейцамі.
…
Увогуле, атамныя тэхналёгіі, вывучэньне радыяцыйнай бясьпекі павінны стацца нішай, якую Беларусі варта было б спрабаваць заняць. Чарнобыль зрабіў чвэрць тэрыторыі краіны жывым радыяцыйным запаведнікам, калясальным працягваючымся экспэрымэнтам, які падараваў нашым навукоўцам працы на тысячу гадоў наперад.
Цяпер чытаюць
Яму далі 15 гадоў па паказаннях Пратасевіча. Ён пасівеў за адну ноч11
Каментары