Аварыя ў Баранавічах: «Фальксваген-Пасат» пратараніў «БМВ» + фота і відэа
Паводле папярэдняй інфармацыі, кіроўца «Фальксвагена» загаварыўся па тэлефоне і праехаў на «чырвонае» святло.
Па словах відавочцаў, «Фальксваген-Пасат», які кіраваўся па вуліцы Тэльмана, выехаў на скрыжаванне на «чырвонае» і нават не прытармазіў. У гэты час на скрыжаванне з боку вуліцы Цыялкоўскага выехаў «БМВ», на які і наляцеў «Фальксваген».
Ад удару «БМВ» развярнула, а «Фальксваген» урэзаўся ў асвятляльную мачту.
У выніку ДТЗ пацярпеў кіроўца «Фальксвагена». Прыбылыя на месца здарэння медыкі «хуткай» аказалі яму першую дапамогу і адвезлі ў шпіталь. Абедзве машыны атрымалі значныя пашкоджанні.
Паводле папярэдніх звестак ДАІ, меркаваны віноўнік аварыі згубіў пільнасць і выехаў на забараняльны сігнал святлафора з-за размовы па мабільным тэлефоне. Акрамя таго, кіроўца «Фальксвагена», па словах дзяржаўтаінспектара, парушыў яшчэ адно правіла — не быў прышпілены рамянём бяспекі.
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары