Звольненая настаўніца Наталля Ільініч зарэгістравалася рэпетытарам
Другі год настаўніцу гісторыі не бяруць у школу.
«Цэлы год я спрабавала ўладкавацца на настаўніцкую працу, пакуль нарэшце не зразумела, што ў сённяшніх умовах шлях у школу для мяне закрыты, — сказала звольненая летась настаўніца гісторыі Наталля Ільініч. — Зарэгістравалася ў падатковай інспекцыі рэпетытарам. Займаюся са школьнікамі з Асіповічаў, Мар’інай Горкі, Мінска. Кліентаў пакуль не шмат, але выжыць можна».
Наталля Ільініч працавала настаўніцай у школе ў вёсцы Талька Пухавіцкага раёна з 1985 года, як прыехала па размеркаванні.
У студзені 2011 з ёй не працягнула кантракт дырэктар школы Наталля Меркуль.Спн. Ільініч звальненне звязвае са сваёй грамадскай пазіцыяй: у 2010 яна збірала подпісы за кандыдатаў у прэзідэнты Рыгора Кастусёва і Алеся Міхалевіча. 5 студзеня 2011 у яе кватэры супрацоўнікі КДБ і МУС правялі ператрус.
Пасля свайго звальнення жанчына пачала судзіцца. Прайшла ўсе прыступкі. Але вынік аказаўся прадказальным — нават з Вярхоўнага Суда на сваю касацыйную скаргу настаўніца атрымала адказ, што яе звальненне было законным.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам4444
Каментары