Гэта рашэнне было прынята, пасля таго як Пхеньян абвясціў пра планы запуску новай ракеты, што, па думку ЗША, парушае дамоўленасці паміж дзвюма краінамі, дасягнутыя ў лютым.
Першыя паведамленні аб прыпыненні праграмы харчовай дапамогі з’явіліся ў аўторак. У сераду іх пацвердзіў прадстаўнік Пентагона Пітэр Лавой. Паводле яго слоў, паўночнакарэйскія ўлады парушылі мараторый на выпрабаванне ракет, таму ім нельга даверыць размеркаванне харчовай дапамогі.
Згодна з дамовай, падпісанай у лютым, Пхеньян згадзіўся ў абмен на харчовую дапамогу з ЗША часткова замарозіць сваю ядзерную праграму, а таксама ўвесці мараторый на ракетныя выпрабаванні.
ЗША спынілі пастаўкі прадуктаў у Паўночную Карэю ў 2009 г., аднак у пачатку сакавіка амерыканская дэлегацыя накіравалася ў Кітай, які з’яўляецца саюзнікам КНДР, каб абмеркаваць дэталі аднаўлення праграмы дапамогі.
На працягу ўжо амаль двух дзесяцігоддзяў Паўночная Карэя адчувае сур’ёзны недахоп харчавання і, каб пракарміць сваіх грамадзян, звяртаецца па дапамогу сусветнай супольнасці.
Запланаваная дапамога з боку ЗША — 240 тысяч тон харчавання — прызначалася дзецям і цяжарным жанчынам.
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны23
Каментары