Колькасць беларусаў, якія наведалі Вільню ў 2011 годзе, вырасла на 50%
Агулам іх было 368 тысяч чалавек.
Паводле звестак літоўскага Дэпартамента статыстыкі, у 2011 годзе ў Вільнюсе пабывала звыш 50 тысяч беларускіх турыстаў, што на 50% больш, чым у 2010 годзе, паведамляе партал delfi.lt.
У цэлым Літву ў 2011 годзе наведалі 368 тысяч беларусаў (на 26% больш у параўнанні з 2010-м). Таксама
беларусы складаюць 21% ад агульнай колькасці турыстаў, якія прыязджаюць штогод у Літву.
Паводле слоў дырэктара Дзяржаўнага дэпартамента турызму прыбалтыйскай дзяржавы Раймонды Балнене, Беларусь займае першае месца па колькасці турыстаў і таму літоўскі бок мае намер наладзіць цесныя адносіны з беларускім турыстычным бізнесам. Тым больш што, як адзначыла Балнене,
пачатак 2012 года пацвярджае зацікаўленасць беларусаў у наведванні Літвы.
Цяпер чытаюць
У Тайландзе знікла анліфаншчыца з Пінска. Яе маглі прадаць у М'янму4
Каментары