Актывісты «Zмены» правялі флэшмоб супраць латарэйнага бізнесу.
4 мая актывісты «Zмены» — маладзёжнага крыла грамадзянскай кампаніі «Гавары праўду!» правялі ў Мінску чарговы флэшмоб, скіраваны гэтым разам супраць латарэйнага бізнесу.
Каля сямі пунктаў продажу латарэйных білетаў у раёне мінскага Камароўскага рынку яны правялі перформанс «Купі білет "Спартлато" — падтрымай рэжым». На думку ўдзельнікаў флэшмоба, верыць у сумленнасць такіх гульняў з дзяржавай — наіўнасць, а, набываючы латарэйныя білеты, людзі фінансава падтрымліваюць беларускі рэжым, які мае велізарныя даходы ад латарэйнага бізнесу.
Сваёй акцыяй прадстаўнікі «Zмены» хацелі таксама заявіць пра безвыніковасць націску праваахоўных органаў і судовага пераследу, які зазнае лідар маладзёжнага крыла кампаніі «Гавары праўду!» Павел Вінаградаў.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў32
Каментары