Замежнае прадпрыемтва па выпуску лака‑фарбавай прадукцыі ў Берасьці зьменіць гаспадара.
Замежнае прадпрыемтва па выпуску лака‑фарбавай прадукцыі ў Берасьці зьменіць гаспадара. У траўні кантрольны пакет акцыяў нямецкага прадпрыемства «Кондар» атрымае эстонская фірма «Эскара».
Перамовы пар набыцьцё набыцьцё эстонцамі пакету акцыяў берасьцейскага прадпрыемства пачаліся ад пачатку году. Прадстаўнікі «Эскара» зацікавіліся «Кондарам» з розных прычынаў: блізкасьць да Ўкраіны, чый рынак эстонцы актыўна асвойваюць, а таксама нямецкую якасьць прадукцыі «Кондару». Паводле словаў прадстаўніка берасьцейскай фірмы, эстонскія партнэры пільна вывучалі рынак cуседніх краінаў і ў выніку палічылі найбольш спрыяльным беларуска‑ўкраінскі варыянт супрацоўніцтва. Ім больш імпануе наш, на іх думку, больш эўрапэйскі мэнталітэт. Прадстаўнікі «Эскара» азнаёміліся з тэхналягіяй вытворчасьці на «Кондары», а кіраўніцтва апошняга наведала Талін.
Плянуецца, што на базе берасьцейскага прадпрыемства будзе ўтовораная нямецка‑эстонская фірма з захаваньнем ранейшай назвы. Прадукцыя «Кондару» будзе распаўсюджвацца па ранейшых каналах, а значная яе частка накіруецца ва Ўкраіну. Для гэтага будзе пабудаваны новы вытворчы цэх і зьявяцца дадатковыя працоўныя месцы.
❏
Даведка: Замежнае прыватнае ўнітарнае вытворчае прадпрыемства «Кондар» было створанае ў 1997 г. Яно адным зь першых стала рэзыдэнтам берасьцейскай СЭЗ. Прадпрыемства мае нямецкі капітал, а яе стваральнікам і кіраўніком зьяўляецца нямецкі бізнэсмэн Горст Гэльмут Бэлер. Прадукцыя «Кондару» пастаўляецца на беларускі рынак і ў суседнія краіны. Некалькі гадоў запар прадпрыемства выйграе тэндэр на пастаўку сваіх фарбаў для падрыхтоўкі рэспубліканскіх і абласных кірмашоў‑фэстываляў «Дажынак». Прадпрыемства стала займаецца дабрачыннай дзейнсьцю.
Вытворча‑камэрцыйнае прадпрыемства «Эскара» (ESKARO AS) заснаванае ў 1993 г., мае эстонскі капітал. Заводы прадпрыемства працуюць на тэрыторыі Эстоніі і Расеі. Гандлёвыя прадстаўніцтвы фірмы дзейнічаюць у Эстоніі, Беларусі, Расеі ды Ўкраіне.
Цяпер чытаюць
«Вы прыйшлі сюды лохамі, а станеце драпежнікамі». Як працуюць мінскія кол-цэнтры скамераў1
Каментары