Samsung абвінаваціла экспертаў у рабскім пакланенні Apple
Кампанія Samsung па-ранейшаму тонка і не вельмі «троліць» карпарацыю Apple.
Абодва бакі вядуць патэнтавыя спрэчкі, і амерыканскі вытворца абвінавачвае карэйскага ў «рабскім капіяванні» прылад Apple. Апанент не забыўся на гэтае выказванне і пры зручным выпадку прыгадаў яго.
Як адзначылі ў Samsung, вакол сваёй прадукцыі Apple стварыла сапраўдны культ, прычым убаку ад яго не засталіся і некаторыя эксперты, што выказваюцца ў падтрымку пазіцыі амерыканцаў. Замест здаровага сэнсу, навуковых метадаў і прававых прынцыпаў гэтыя эксперты нібыта кіруюцца «рабскім пакланеннем» перад Apple.
У якасці прыкладу Samsung прыводзіць працу Генры Урбаха пад назвай «Сад зямных асалодаў». У ёй спецыяліст паказаў сябе ў якасці аўтара, адданага канструктарам, прадукцыі і крамам Apple. Апошнія Генры Урбах і зусім назваў «квазірэлігійнай капліцай інфармацыйнай эпохі».
Цяпер чытаюць
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну3
Каментары