Крымінальная справа за парушэнне аўтарскіх, сумежных, вынаходніцкіх і патэнтных правоў расследуецца Следчым камітэтам Беларусі ў дачыненні да жыхара Мінска.
Як паведамілі ў галоўным упраўленні па барацьбе з эканамічнымі злачынствамі, да гэтага ў дачыненні да правапарушальніка, які незаконна выкарыстоўваў таварныя знакі вядомых беларускіх кампаній, былі складзены чатыры адміністрацыйныя пратаколы.
Прадметам разбору супрацоўнікаў па барацьбе з эканамічнымі злачынствамі ГУУС Мінгарвыканкама з’яўляліся доменныя імёны, што дублююць брэнды паспяховых вытворцаў мэблі, матрацаў, шын і г.д. На гэтых доменах мужчына размяшчаў сайты, з дапамогай якіх рэалізоўваў у тым ліку і больш танны тавар іншых кампаній, выдаючы яго за прадукцыю вядомых вытворцаў.
Толькі адзін з беларускіх мэблевых гігантаў заявіў пра нанясенне ўрону ў памеры 441,5 млн. рублёў.
0
0
0
0
0
0
