Мікалай Гайдук — трэці святар, якога судзяць за адмову ад дактыласкапіі.
12 чэрвеня ў Гродне пачаўся працэс па справе святара Свята-Прадцечанскай царквы іярэя Мікалая Гайдука, якога вінавацяць у адмове ад працэдуры дактыласкапіі. Як паведамілі «Нашай Нівы» прадстаўнікі Гродзенскай япархіі, суд перанеслі на 22 чэрвеня, бо на працэс не з’явіліся міліцыянты.
Падтрымаць святара ў суд прыйшло больш за паўсотні чалавек. Усіх у памяшканне не пусцілі, хоць відавочцы кажуць, што там заставаліся вольныя месцы.
Мікалай Гайдук — трэці святар Гродзенскай япархіі, у адносінах якога распачаты адмінітрацыйны працэс за адмову ад дактыласкапіі. Ён сцвярджае, што не адмаўляўся ад дактыласкапіі, але прасіў пачакаць, каб параіцца. Міліцыянты чакаць не сталі і склалі пратакол без яго.
Як расказаў «НН» галоўны рэдактар газеты «Гродзенскія епархіяльныя навіны» Аляксандр Шурскі, аднаго з фігурантаў справы, айца Аляксандра Хомбака з Гродна, суд абавязаў здаць адбіткі. Вынікі другой справы яму пакуль невядомыя.
Беларуская праваслаўная царква неаднаразова звярталася да ўладаў з просьбай увесці для святароў і вернікаў альтэрнатыўныя сістэмы ідэнтыфікацыі і ўліку.
Каментары