Кіраўнічка Цэнтрвыбаркама распавяла, хто можа вылучацца ў парламент.
У парламент маюць намер вылучацца персаналіі як мясцовага, так і рэспубліканскага значэння, паведаміла кіраўнік Цэнтральнай выбарчай камісіі Лідзія Ярмошына на прэс-канферэнцыі ў Мінску 26 ліпеня.
Паводле яе слоў, вылучацца маюць намер старшыня палаты прадстаўнікоў Уладзімір Андрэйчанка і яго намеснік Віктар Гумінскі, экс-кандыдаты ў прэзідэнты Аляксандр Мілінкевіч і Віктар Цярэшчанка, былыя дэпутаты Уладзімір Навасяд і Валерый Фралоў, лідары Аб`яднанай грамадзянскай партыі і Партыі БНФ Анатоль Лябедзька і Аляксей Янукевіч.
Цяпер, паведаміла Ярмошына, зарэгістраваныя 352 ініцыятыўныя групы. Дзесяць грамадзян зарэгістравалі дзве і больш ініцыятыўных груп. Такім чынам, вылучацца шляхам збору подпісаў маюць намер 330 чалавек, адзначыла кіраўнік ЦВК.
Паводле старшыні ЦВК, вылучэнне экс-кандыдатаў у прэзідэнты Мікалая Статкевіча і Алеся Міхалевіча неправамоцнае.
Паводле слоў Ярмошынай, ЦВК атрымала афіцыйнае пацвярджэнне таму, што праз адміністрацыю папраўчай установы, дзе ўтрымліваецца Статкевіч (следчы ізалятар Магілёва), ён не перадаваў ніякія лісты ў выбарчыя камісіі. А іншай магчымасці падпісаць дакументы аб рэгістрацыі сваёй ініцыятыўнай групы ў Статкевіча не было, падкрэсліў кіраўнік Цэнтрвыбаркама. Што да Алеся Міхалевіча, то, паводле слоў Ярмошынай, ён усё яшчэ знаходзіцца ў міжнародным вышуку.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары