Паводле лягенды, калі зрабіць тысячу папяровых жураўлікаў, споўніцца самае запаветнае жаданьне.
«Міжнародная амністыя» распачала новую кампанію ў падтрымку беларускага палітвязьня Зьмітра Дашкевіча.
Увесну 2007 актывісты «Міжнароднай амністыі» дашлюць тысячы папяровых жураўлікаў міністру ўнутраных спраў Беларусі Ўладзімеру Навумаву, патрабуючы вызваліць моладзевага актывіста. Паводле лягенды, калі скласьці тысячу папяровых жураўлікаў, споўніцца самае запаветнае жаданьне.
"Сёньня нашае жаданьне, каб у Беларусі была адноўлена свабода выказваньня, каб выйшлі на волю тыя, хто быў затрыманы за свабоднае і мірнае выказваньне сваіх поглядаў. Найперш мы заклікаем улады Беларусі вызваліць моладзевага актывіста Зьмітра Дашкевіча», — гаворыцца ў заяве праваабарончай арганізацыі.
Інфармацыю пра Зьмітра і парады, як правільна зрабіць жураўліка‑арыгамі можна знасьйці на сайце арганізацыі на пяці мовах.
Нагадаем, што Зьміцер Дашкевіч быў асуджаны да1,5 году пазбаўленьня волі за «дзейнасьць ад імя незарэгістраванай арганізацыі» і адбывае пакараньне ў Шклоўскай калёніі.
Цяпер чытаюць
Вось як выглядае з космасу асвятленне Мінска ў параўнанні з суседнімі сталіцамі ФОТАФАКТ12
Каментары