Колькасць кандыдатаў у дэпутаты палаты прадстаўнікоў можа павялічыцца,паведаміла старшыня Цэнтральнай камісіі Рэспублікі Беларусь па выбарах і правядзенню рэспубліканскіх рэферэндумаў Лідзія Ярмошына ў эфіры тэлеканала АНТ.
«Колькасць кандыдатаў гіпатэтычна павінна павялічыцца», — сказала Лідзія Ярмошына.
Яна дадала, што некаторых з вылучэнцаў, якім раней было адмоўлена ў рэгістрацыі, ЦВК можа ўсё ж зарэгістраваць, разгледзеўшы іх скаргі.
Пры гэтым, як адзначыла кіраўнік ЦВК, ужо цяпер ёсць заявы ад некаторых палітычных партый аб тым, што яны выйдуць з перадвыбарнай кампаніі незадоўга да самога дня выбараў: «Гэта таксама можа значна змяніць колькасць тых, хто ўдзельнічае ў выбарах».
Так, у Аляксандра Мілінкевіча быў парушаны парадак вылучэння: «Там значная колькасць подпісаў прызнана несапраўднай. Гэта значыць яны сабраны няправільна». Што датычыцца гумарыста Яўгена Крыжаноўскага, то кіраўнік ЦВК растлумачыла: «Ён лічыць, што няправільна падышлі ў акруговай камісіі да тых даных, якія ён прывёў у дэкларацыі аб даходах і маёмасці. Я хацела б падкрэсліць, што тое, што прадстаўляюць кандыдаты, — гэта не падатковая дэкларацыя… Гэта ўсяго толькі звесткі аб тым, што яны маюць. Таму тут спасылкі на тое, што падатковая інспекцыя прэтэнзій не мае, недарэчныя».Акрамя таго, Лідзія Ярмошына пракаменціравала, чаму было адмоўлена ў рэгістрацыі некаторым вылучэнцам.
Двайнікі вядомых беларусаў. І не кажыце, што не задумваліся пра іх падабенства10
Каментары