Прычына анамальнай з’явы — не ў надвор’і, а ў хваробе.
Паводле словаў біёлагаў, нясвоечасовае квітненне звязанае з нападам на дрэва каштанавай молі — «ахрыдскага мінёра» (Cameraria ohridella). У выніку дрэвы выпускаюць кветкі і новыя лісты ў верасні, што яшчэ больш іх аслабляе і вядзе да пагібелі.
У Еўропе навучыліся змагацца з хваробай каштанаў: самым эфектыўным і экалагічна чыстым спосабам лічыцца збор і вываз апалай лістоты — менавіта ў ёй моль зімуе. Таксама каштаны апрацоўваюцца інсектыцыдамі — маскіланам ды энтамафагам — у пачатку квітнення, а пасля кожныя 2–3 тыдні. У Беларусі хворыя дрэвы зазвычай пакуль спілоўваюць.
Каментары