І даручыў разабрацца з тымі, хто хавае даходы.
Падчас сённяшняй нарады ў Лукашэнкі ішла гаворка пра нявыплату падаткаў, у тым ліку з боку дзяржаўных прадпрыемстваў. Лукашэнка даручыў прыняць адэкватныя меры.
Старшыня Камітэта дзяржкантролю Аляксандр Якабсон паведаміў, што пачасціліся выпадкі ўтойвання выручкі падчас ажыццяўлення рознічнага гандлю суб’ектамі гаспадарання, якія выкарыстоўваюць спрошчаную сістэму падаткаабкладання.
— Аляксандр Серафімавіч, ну разаніце так, каб у адным канцы разанулі, а ў іншым трашчала! — запатрабаваў Лукашэнка. — Што там глядзець на іх? Не толькі тавар канфіскаваць — усю ўласнасць у яго канфіскуйце! У Амерыцы вельмі жорсткія законы, самыя жорсткія па падатках. Не дай бог там нешта хто схаваў, пажыццёвае зняволенне атрымаеш. А ў нас нічога, крадуць цэлы тыдзень. Аўтамабіляў куча, не праціснуцца, у асноўным новыя. Пры жабрацкім народзе. Адкуль? Крадуць! Ці не плацяць падаткі.
Лукашэнка таксама нагадаў чыноўнікам: «Ніякіх аўтамабіляў, бензінаў і рамонтаў кабінетаў быць не павінна». «Лепш нейкі праект эканамічны няхай асвояць», — сказаў ён.
Цяпер чытаюць
«Я думаў, мяне не можа нічога здзівіць». На фудкорце ў мінскім ГЦ зрабілі платныя сталы3
Каментары