Галоўны трэнер БАТЭ Віктар Ганчарэнка напярэдадні матчу супраць «Баварыі» у рамках Лігі чэмпіёнаў падзяліўся чаканнямі ад гульні.
«Як заўсёды перад матчамі ў ЛЧ у нас добры настрой і добры гульнявы тонус. Што тычыцца нейкіх завышаных чаканняў пасля перамогі ў Лілі [1:3], то асабліва не хочацца ўспамінаць аб гэтым матчы. Будзем рыхтавацца да „Баварыі“.
„Баварыя“ набрала добры ход [6 перамог у 6 турах бундэслігі — НН]. Але кожная серыя рана ці позна перарываецца. Бундэсліга і Ліга чэмпіёнаў — розныя турніры. У нас ёсць досвед супрацьстаянняў на міжнародным узроўні.
Не будзем забываць, што мы таксама знаходзімся ў добрай форме», — сказаў Ганчарэнка напрэс-канферэнцыі .
Матч БАТЭ — Баварыя пройдзе ў аўторак і пачнецца ў 21:45. Сёння пачаўся продаж адзіночных квіткоў на матч.
Каментары