Некалькі соцень населеных пунктаў краіны абясточаныя.
Як паведамілі ў МНС, моцныя парывы ветру пашкодзілі каля 300 квадратных метраў бляшанага даху Сафійскага сабора.
Электрычнасць была адключана ў некалькіх сотнях населеных пунктаў, у асноўным у Віцебскай вобласці, на якую прыпаў асноўны ўдар стыхіі.
Таксама абясточаныя некалькі населеных пунктаў у Гродзенскай, Мінскай і Магілёўскай абласцях.
Мінулай ноччу папаўночна-заходняй палове Беларусі парывы ветру дасягалі 15–22 метраў за секунду, а ў асобных раёнах Віцебскай вобласці — 24–28 метраў за секунду.
Зараз аварыйныя службы вядуць аднаўленчыя работы на электрасетках.
Зараз цыклон сыходзіць, аднак па поўначы краіны парывы ветру ўсё яшчэ могуць дасягаць 23–25 метраў за секунду.
Каментары