У сувязі з падзеямі вакол Бронзавага салдата, якога ў канцы красавіка перанесьлі з плошчы ў цэнтры Таліна на вайсковыя могілкі, падтрымка жыхарамі Эстоніі Рэфармісцкай партыі, лідэрам якой зьяўляецца прэм’ер‑міністар Андрус Ансіп, вырасла ў траўні да рэкорднага паказьніка ў 46%. У красавіку рэфармістаў падтрымлівала 34% апытаных.
Паводле дадзеных апытаньня, праведзенага ў траўні сацыялягічнай фірмай TNS Emor на замову газэты Postimees, другое месца займае Цэнтрысцкая партыя, рэйтынг якой упаў на 3% і склаў 21%. Далей ідуць аб’яднаная партыя Саюз Айчыны і Рэспубліка ‑‑ 11%, партыя «зялёных» ‑‑ 10%, Сацыял‑демакратычная партыя ‑‑ 7% і Народны саюз ‑‑ 2%.
Сацыёлягі зьвязваюць рост рэйтынгу Ансіпа з папулярнасьцю рашэньня аб пераносе Бронзавага салдата.
«У сытуацыі, калі ў грамадзтве адбываюцца падзеі, якія ўплываюць на бясьпеку і пачуцьцё ўпэўненасьці, дзейнічаць два правілы. Па‑першае, кола асоб, што выступаюць перад грамадзкасьцю, заўсёды становіцца вельмі вузкім. Па‑другое, грамадзкія настроі ссоўваюцца ў бок гэтых людзей, то бок лідэраў», ‑‑ кажа намесьнік старшыні Сацыял‑дэмакратычнай партыі Эйкі Нестар.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?12
Каментары