КДБ арыштаваў Андрэя Уцюрына — намесніка старшыні Рады бяспекі, былога начальніка службы аховы Лукашэнкі
Камітэт дзяржаўнай бяспекі затрымаў Андрэя Уцюрына — намесніка кіраўніка Рады бяспекі, былога начальніка службы аховы Аляксандра Лукашэнкі. Заведзеная крымінальная справа.
Катэдж Уцюрына ў Драздах-2 апячатаны.
Як паведамілі «Нашай Ніве» вартыя даверу крыніцы, высокапастаўлены сілавік быў затрыманы тыдзень таму. Дэталі пакуль невядомыя, крыніцы кажуць пра хабар.
Уцюрын — адзін з самых адданых лукашэнкаўскіх гвардзейцаў.
Некалі яшчэ ягоны бацька ўзначальваў элітную часць Унутраных войскаў 3214, а сам Андрэй пайшоў у Службу бяспекі прэзідэнта ў 1995-м і даслужыўся да начальніка ў гэтым ведамстве, да якога ў Лукашэнкі самы вялікі давер.
Некалькі гадоў таму «Наша Ніва» ўключала яго ў топ-10 самых уплывовых беларусаў.
Андрэй Уцюрын
Нарадзіўся ў 1971 у Пензе. У 1992 скончыў Саратаўскае вышэйшае вайсковае каманднае вучылішча МУС Расіі, а ў 2002 — Акадэмію МУС Беларусі. Ад 1995 — у службе аховы Лукашэнкі. Узнагароджаны ордэнамі «За бездакорную службу» і «За службу Радзіме». Кіраўнік Службы аховы ад 2007 года. Ад 2014 — намеснік дзяржсакратара Рады бяспекі.
Чытайце: Пяць фактаў пра Андрэя Уцюрына, які 7 гадоў кіраваў службай аховы Лукашэнкі
КДБ пра затрыманне Уцюрына: «Без каментароў»
Гіганцкія элітныя апартаменты сына Андрэя Уцюрына таксама арыштаваныя
Што пісаў у твітары сын Андрэя Уцюрына пасля затрымання бацькі
Цяпер чытаюць
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы3
Каментары