Леанід Кулакоў, фота Сяргея Гудзіліна

Актывіста «Еўрапейскай Беларусі» Леаніда Кулакова 21 чэрвеня затрымалі супрацоўнікі ДАІ за пару бел-чырвона-белых аўтасцягоў з гербам «Пагоня», якія ён пачапіў на аўтамабіль-таксі.

Кулакоў вырашыў прыняць удзел у акцыі па папулярызацыі нацыянальных сімвалаў «БЧБмабіль», якую абвясціла «Арт Сядзіба». Кожнаму адважнаму беларусу арганізацыя дае шанец ператварыць сваё аўто ў «БЧБмабіль».

Як толькі Леанід Кулакоў пачапіў сцяжкі на аўтамабіль, яго затрымалі супрацоўнікі ДАІ і даставілі разам з аўтамабілем у РУУС Цэнтральнага раёна.

Праваабаронцы высвятляюць падрабязнасці затрымання актывіста.

Пасля таго як Кулакова адпусцілі з міліцыі, ён заўважыў, што на аўтамабілі, які стаяў каля будынка РУУСа сцяжкі адсутнічаюць — нехта іх скраў. Кулакоў спрабаваў напісаць заяву аб крадзяжы сцяжкоў. Супрацоўнікі міліцыі адмаўляліся заяву прымаць.

Іншы аўтамабіль з бел-чырвона-белымі сцягамі ў Мінску. Фота зробленае ў чэрвені.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Каментатар / Адказаць
01.06.1991 / 02:48
трэба недзе тэлефон гэнага кулакова павесіць, заўсёды буду з ім ездзіць.
0
Каментатар / Адказаць
31.01.1998 / 00:44
эээ, "гэта не сепаратызм" - сепаратызм чаго ад чаго?
0
Каментатар / Адказаць
20.04.1993 / 12:22
Павага, трымайся, браце - мы разам!
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру