Кулакова затрымалі разам з аўтамабілем за бел-чырвона белыя аўтасцяжкі
![](http://nashaniva.com/img/w840d4webp1/photos/z_2015_09/kulakou150923-6japy.jpg.webp)
Актывіста «Еўрапейскай Беларусі» Леаніда Кулакова 21 чэрвеня затрымалі супрацоўнікі ДАІ за пару бел-чырвона-белых аўтасцягоў з гербам «Пагоня», якія ён пачапіў на аўтамабіль-таксі.
Кулакоў вырашыў прыняць удзел у акцыі па папулярызацыі нацыянальных сімвалаў «БЧБмабіль», якую абвясціла «Арт Сядзіба». Кожнаму адважнаму беларусу арганізацыя дае шанец ператварыць сваё аўто ў «БЧБмабіль».
Як толькі Леанід Кулакоў пачапіў сцяжкі на аўтамабіль, яго затрымалі супрацоўнікі ДАІ і даставілі разам з аўтамабілем у РУУС Цэнтральнага раёна.
Праваабаронцы высвятляюць падрабязнасці затрымання актывіста.
Пасля таго як Кулакова адпусцілі з міліцыі, ён заўважыў, што на аўтамабілі, які стаяў каля будынка РУУСа сцяжкі адсутнічаюць — нехта іх скраў. Кулакоў спрабаваў напісаць заяву аб крадзяжы сцяжкоў. Супрацоўнікі міліцыі адмаўляліся заяву прымаць.
![](http://nashaniva.com/img/w732d4webp1/photos/z_2016_06/kulakou-ng9hk.jpg.webp)
Каментары