Archijepiskap BAPC: Biełaruś i siońnia maje abaroncaŭ viery i Baćkaŭščyny. Kaladnaje vinšavańnie
Z nahody Rastva Chrystovaha pavodle Juljanskaha kalendara da viernikaŭ z kaladnym archipastyrskim pasłańniem źviarnuŭsia pieršaijerarch Biełaruskaj aŭtakiefalnaj pravasłaŭnaj carkvy, archijepiskap Paŭnočna-Amierykanski i Navahradski Śviatasłaŭ (Łohin).
Lubyja braty i siostry ŭ Chryście!
Kožny hod my ŭračysta śviatkujem dzień Chrystovaha Naradžeńnia. Hetaje śviata dla chryścijanaŭ vielmi važlivaje, bo sam Hospad — druhaja asoba Śviatoje Trojcy — Syn Božy Isus Chrystos pryjšoŭ na Ziamlu, kab paźniej prynieści Siabie ŭ achviaru dziela zbaŭleńnia ŭsiaho čałaviectva. Ad času hetaje histaryčnaje padziei Chrystova Carkva ŭzbahaciłasia mnostvam Śviatych ludziej, jakija pa prykładu Boskamu, sami svajo žyćcio achviaravali Bohu. Šmat takich było i ŭ Biełaruskaj Carkvie. Biełaruskija Śviatyja byli dušoj i honaram svajho narodu i na praciahu stahodździaŭ farmavali duchoŭnaje abličča Biełaruskaje nacyi. Abaroncy viery j Baćkaŭščyny žyli ŭ kožnuju epochu, i ciapier
I ni kanadzkija marazy, ni aŭstralijskaja śpiakota nikoli nie pieraškadžali im radasna sustrakać Biełaruskija Kalady.Biełarusy-lićviny , jakija sami ci ichnyja baćki vymušanyja byli apynucca ŭ zamiežžy, vyjavili svaju luboŭ da ziamli dziadoŭ zachavańniem rodnaje viery, movy j kultury, pabudovaj Biełaruskich chramaŭ, dzie ŭznosiacca malitvy za volu Biełarusi i za jejny narod.
Daloka nia kožnamu Hospad daje siły duchu j mahčymaści zmahacca za rodnuju vieru j svoj narod, ale ŭsie zmožam uźnieści malitvu za tych, chto pakutuje za praŭdu ŭ źniavoleńni j na vyhnańni,za ŭsich našych suajčyńnikaŭ, što žyvuć na Baćkaŭščynie j na čužynie. I chaj kaladniki prychodziać u kožnuju biełaruskuju chatu i radasna vinšujuć:
Chrystos naradziŭsia! Słaŭcie Jaho!
Kamientary