U 2013 hodzie Biełaruś vypłacić 3 młrd. dołaraŭ źniešniaha doŭhu, ź jakich 2,3 młrd. budzie nakiravana na pahašeńnie asnoŭnaha doŭhu, 700 młn. dołaraŭ — na vypłatu pracentaŭ. Pra heta paviedamiŭ namieśnik ministra finansaŭ Maksim Jermałovič 21 studzienia napres-kanfierencyi ŭ Minsku.
Pavodle słoŭ Jermałoviča, na absłuhoŭvańnie źniešniaha dziarždoŭhu ŭ biezdeficytnym biudžecie krainy praduhledžana 700 młn. dołaraŭ. «Što da 2,3 młrd. dołaraŭ — davajcie ličyć razam. My stvaryli dla siabie dastatkova niakiepskuju padušku biaśpieki ŭžo ŭ kancy minułaha hoda, pryciahvajučy resursy ad jurydyčnych asob, vypuściŭšy ablihacyi ŭ dołarach, i ad fizičnych asob. Sumarna heta ŭžo bolš čym 300 młn. dołaraŭ. Nam treba atrymać 1,3 młrd. dołaraŭ ad antykryzisnaha fondu JeŭrAzES. Užo 1,6 młrd. dołaraŭ my majem», — adznačyŭ namieśnik ministra.
Dla vypłaty astatniaj častki, paviedamiŭ Jermałovič, buduć pryciahnutyja nazapašanyja reštki biudžetu i jeŭrabondy. «Tak, razryŭ aceńvajecca ŭ 600–700 młn. dołaraŭ. Niejkuju častku (kala 500 młn.) my stavim dla siabie zadačaj pryciahnuć sa źniešnich rynkaŭ. Tak što vialikaj pahrozy absłuhoŭvańniu i pahašeńniu dziaržaŭnaha źniešniaha doŭhu ŭ 2013 hodzie niama. Bolšaja častka hetaha doŭhu moža być refinansavanaja z ulikam užo realizujemych płanaŭ pa pryciahnieńni źniešnich resursaŭ», — upeŭnieny namieśnik ministra finansaŭ.
Nahadajem, źniešni dziarždoŭh Biełarusi pa stanie na 1 śniežnia 2012 hoda skłaŭ 12,1 młrd. dołaraŭ pry ŭstanoŭlenym limicie 14,3 młrd. dołaraŭ, pavialičyŭšysia z pačatku hoda na 289,9 młn. dołaraŭ.
Ciapier čytajuć
Spalnyja miescy ŭ «Minsk-Śviecie» mohuć vyklikać kłaŭstrafobiju. Jak ekanomiać prastoru ŭ sučasnych kvaterach-studyjach9
Kamientary