Pastaŭki rasijskaj nafty ŭ Biełaruś u 2013 hodzie skaracilisia ŭ paraŭnańni z papiarednim hodam na 2% i skłali 20,927 młn. ton.
Ab hetym paviedamlaje ITAR-TASS sa spasyłkaj na materyjały rasijskaha Centralnaha dyśpietčarskaha ŭpraŭleńnia paliŭna-enierhietyčnaha kompleksu (CDU-PEK).
Tym nie mienš abjom pastaŭki rasijskaj nafty ŭ Biełaruś pieravysiŭ zaćvierdžanaje bałansavaje zadańnie na 7,4%, adznačajuć u CDU-PEK.
Zhodna z apieratyŭnymi źviestkami pradpryjemstva, u 2013 hodzie na NPZ Biełarusi, minujučy sistemu «Transnafty» ŭ suviazi z ramontam na naftapravodzie «Družba», było pastaŭlena 1,606 młn. ton nafty — u 6,3 razu bolš, čym hodam raniej.
Pastaŭka rasijskaj nafty na Mazyrski NPZ skłała ŭ 2013 hodzie 10,937 młn. ton, na Navapołacki NPZ — 9,999 młn. ton.
Nahadajem, u 2013 hodzie Biełaruś raźličvała atrymać z Rasii 23 młn. ton nafty i pieršyja try kvartały pastaŭki ŭzhadnialisia ŭ 5,75 młn. ton, što adpaviadała hadavomu abjomu. U čaćviortym kvartale, paśla zatrymańnia ŭ kancy žniŭnia ŭ Minsku hiendyrektara «Urałkalija» Uładzisłava Baŭmhiertniera, Rasija zajaviła ab tym, što hatova pastavić za hod tolki 18,5 młn. ton.
Adnak 2 śniežnia stała viadoma, što Rasija ŭsio ž uzhadniła dadatkovyja pastaŭki nafty ŭ Biełaruś u śniežni 2013 hoda.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy23
Kamientary