Пастаўкі расійскай нафты ў Беларусь у 2013 годзе скараціліся ў параўнанні з папярэднім годам на 2% і склалі 20,927 млн. тон.
Аб гэтым паведамляе ИТАР-ТАСС са спасылкай на матэрыялы расійскага Цэнтральнага дыспетчарскага ўпраўлення паліўна-энергетычнага комплексу (ЦДУ-ПЭК).
Тым не менш аб'ём пастаўкі расійскай нафты ў Беларусь перавысіў зацверджанае балансавае заданне на 7,4%, адзначаюць у ЦДУ-ПЭК.
Згодна з аператыўнымі звесткамі прадпрыемства, у 2013 годзе на НПЗ Беларусі, мінуючы сістэму «Транснафты» ў сувязі з рамонтам на нафтаправодзе «Дружба», было пастаўлена 1,606 млн. тон нафты — у 6,3 разу больш, чым годам раней.
Пастаўка расійскай нафты на Мазырскі НПЗ склала ў 2013 годзе 10,937 млн. тон, на Наваполацкі НПЗ — 9,999 млн. тон.
Нагадаем, у 2013 годзе Беларусь разлічвала атрымаць з Расіі 23 млн. тон нафты і першыя тры кварталы пастаўкі ўзгадняліся ў 5,75 млн. тон, што адпавядала гадавому аб'ёму. У чацвёртым квартале, пасля затрымання ў канцы жніўня ў Мінску гендырэктара «Уралкалія» Уладзіслава Баўмгертнера, Расія заявіла аб тым, што гатова паставіць за год толькі 18,5 млн. тон.
Аднак 2 снежня стала вядома, што Расія ўсё ж узгадніла дадатковыя пастаўкі нафты ў Беларусь у снежні 2013 года.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў88
Каментары