Realny abjom VUP krainy ŭ 2015 hodzie skarocicca na 12% pry inflacyi (na kaniec hoda) na ŭzroŭni 50,8%, havorycca ŭ abnoŭlenym makraprahnozie SB, jaki źmiaščajecca ŭ materyjałach ab druhoj prahramnaj pazycy na raźvićcio finansavaha siektara Ukrainy.
«My čakajem, što realny VUP skarocicca na 12% u 2015 hodzie z bolš mocnym padzieńniem u pieršaj pałovie hoda i nastupnym zapavoleńniem spadu ŭ druhoj pałovie hoda z-za nizkaj statystyčnaj bazy», — havorycca ŭ dakumiencie. Na dumku ekśpiertaŭ, spad zakranaje mnohija haliny, asabliva mietałurhičnuju i hornazdabyŭnuju, najbolš mocna paciarpiełyja ad kanfliktu va Ukrainie.
Suśvietny bank prahnazuje paharšeńnie situacyi ŭ roźničnym handli Ukrainy ŭ suviazi z prykmietnym padzieńniem realnych dachodaŭ nasielnictva z-za rezkaha rostu taryfaŭ, abiasceńvańnia nacyjanalnaj valuty i źnižeńnia realnaha zarobku.
SB taksama pahoršyŭ acenku rostu ekanomiki Ukrainy ŭ 2016 hodzie ŭsiaho da 1% pry zapavoleńni inflacyi da 12,2%. «Ekanamičnaje adnaŭleńnie, chutčej za ŭsio, pačniecca paźniej, čym pieršapačatkova prahnazavałasia, i budzie mienš vyjaŭlenym», — miarkujuć ekśpierty.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača17
Kamientary