Supracoŭnik UUS Mahiloŭskaha abłvykankama na praciahu niekalkich dzion sprabuje vyklikać na dopyt dačku eks-kandydata ŭ prezidenty Ryhora Kastusiova Kaciarynu, pry hetym admaŭlajučysia prysłać pozvu, zajaviŭ BiełaPAN apazicyjny palityk.
«Jašče niekalki dzion tamu joj patelefanavaŭ nibyta supracoŭnik milicyi, nie nazvaŭ siabie, skazaŭ tolki, što imia jaho Viačasłaŭ. Numar jaho telefona nie vyznačaŭsia. Jon skazaŭ, što jamu treba ź joju pahutaryć nakont numara jaje telefona, jakim Kacia nie karystajecca ŭžo piać hadoŭ i naohuł užo zabyłasia pra jaho. Bolš nijakich padrabiaznaściaŭ hety Viačasłaŭ nie paviedamiŭ», — skazaŭ Kastusioŭ.
Pavodle jaho słoŭ, na praciahu apošnich dzion hety čałaviek telefanavaŭ jaho dačce, jakaja zaraz žyvie i pracuje ŭ Mahilovie, i zajaŭlaŭ pra namier pryjści da jaje na pracu, kali jana nie pryjdzie ŭ abłasnoje UUS.
«Siońnia było telefanavańnie ranicaj. I hetym razam numar vyznačyŭsia. Pa hetym numary ŭžo patelefanavaŭ ja sam. Ja nazvaŭsia i zapytaŭ, chto ž jon taki. Nakolki ja pravilna pačuŭ, jon nazvaŭ siabie padpałkoŭnikam Biełazioravym. Jon admoviŭsia štości paviedamić pa telefonie, a kali ja skazaŭ pra nieabchodnaść prysyłać u takim vypadku pozvu, zakončyŭ razmovu», — paviedamiŭ Kastusioŭ.
Apazicyjny palityk schilny razhladać hetuju situacyju jak sprobu pravaachoŭnych orhanaŭ akazać nacisk na jaho praz členaŭ jaho siamji z-za jaho palityčnaj dziejnaści. «Chutčej za ŭsio, heta sproba nacisku na mianie praz maich svajakoŭ, bo ja praz heta ŭžo prachodziŭ. Heta było praz usich troch dziaciej i asabista praź mianie», — skazaŭ jon.
Va UUS Mahiloŭskaha abłvykankama nie paćvierdzili, ale i nie abvierhli infarmacyju ab słužbie ŭ hetym viedamstvie padpałkoŭnika milicyi Viačasłava Biełaziorava.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary