Prezident Tadžykistana Emamali Rachmon unios papraŭki ŭ Kryminalny kodeks krainy, jakija robiać bolš žorstkimi adkaznaść za viadźmarstva i čaradziejstva. Ab padpisańni dakumienta było abvieščana ŭ čaćvier, 23 vieraśnia, na pasiadžeńni ŭrada, paviedamlajecca na sajcie pres-słužby tadžykskaha lidara.
Ciapier zaniatki mahičnaj dziejnaściu mohuć karacca pazbaŭleńniem voli na termin da siami hadoŭ. Adpaviednyja papraŭki ŭ zakanadaŭstva byli ŭchvalenyja abiedźviuma pałatami parłamienta krainy.
Da hetaha času viadźmarstva ŭ Tadžykistanie ličyłasia administracyjnym pravaparušeńniem i karałasia štrafam u pamiery kala $200, pry paŭtornym pakarańni suma pavialičvałasia ŭ dva razy.
Pakarańnie za viadźmarstva dziejničaje ŭ Tadžykistanie z 2008 hoda, adnak u kodeksie ab administracyjnych pravaparušeńniach heta paniaćcie nie prapisanaje. Na toj momant, pavodle infarmacyi pravaachoŭnych orhanaŭ, u krainie mahičnaj dziejnaściu zajmalisia nie mienš za piać tysiač čałaviek.
Ciapier čytajuć
Stała viadoma pra aryšt papularnaj mastački Aksany Šalapinaj3
Kamientary