BDU i BNTU patrapili ŭ rejtynh najlepšych VNU Uschodniaj Jeŭropy i Centralnaj Azii

Brytanskaje ahienctva QS Quacquarelli Symonds skłała mižnarodny rejtynh vyšejšych navučalnych ustanoŭ QS EECA (Emerging Europe & Central Asia), kudy ŭvachodziać krainy Jeŭropy, jakija tolki raźvivajucca, i Centralnaj Azii. U ahlad patrapili dva biełaruskija VNU: BDU raźmiaściŭsia na 36-m miescy, BNTU — na 72-m miescy. Aŭtary rejtynhu razhladali bolš za 500 VNU, aŭdyt prajšli 308 ź ich, a ŭ apublikavanuju spravazdaču ŭvajšli 150 najlepšych.

Indeks univiersitetaŭ 2015/2016 achoplivaje 30 krain: byłyja dziaržavy Uschodniaha błoka, Turcyju, krainy SND i Prybałtyki. U top-100 patrapili ŭniviersitety bolšaści krain rehijonu.

Biełaruś u śpisie 150 najlepšych VNU pradstaŭlena dvuma ŭniviersitetami: Biełaruskim dziaržaŭnym univiersitetam i Biełaruskim nacyjanalnym techničnym univiersitetam. Našy VNU, u paraŭnańni ź minułym hodam, kali byŭ vypuščany piłotny rejtynh QS EECA, palepšyli svaje pazicyi: BDU padniaŭsia z 38 na 36 miesca, a BNTU, jaki raniej znachodziŭsia ŭ siehmiencie 71—80, tryvała zaniaŭ 72 miesca.

Lidaram rejtynhu, jak i ŭ minułym hodzie, staŭ Maskoŭski dziaržaŭny univiersitet im. M.V.Łamanosava (MDU).

Top-10 VNU rejtynhu QS EECA

1. Maskoŭski dziaržaŭny univiersitet im. M.V.Łamanosava (MDU) (Rasija)

2. Novasibirski dziaržaŭny ŭniviersitet (Rasija)

3. Karłaŭ univiersitet u Prazie (Čechija)

4. Tartuski ŭniviersitet (Estonija)

5. Sankt-Pieciarburhski dziaržaŭny ŭniviersitet (Rasija)

6. Varšaŭski ŭniviersitet (Polšča)

7. Jahiełonski ŭniviersitet (Polšča)

8. Češski techničny ŭniviersitet u Prazie (Čechija)

9. Masarykaŭ univiersitet (Čechija)

10. Maskoŭski fizika-techničny instytut (Rasija)

Samym lepšym univiersitetam Litvy składalniki rejtynhu nazvali Vilenski ŭniviersitet — jon zaniaŭ 19-je miesca. Łatvijski ŭniviersitet zaniaŭ 46-je miesca. Kijeŭski nacyjanalny ŭniviersitet imia Tarasa Šaŭčenki składalniki pastavili na 39-je miesca.

Ahulny bał VNU, a značyć jaho miesca ŭ rejtynhu, hruntujecca na analizie dzieviaci kryteryjaŭ:

• akademičnaja reputacyja - 30%

• reputacyja siarod pracadaŭcaŭ - 20%

• suadnosiny kolkaści studentaŭ da kolkaści supracoŭnikaŭ prafiesarska-vykładčyckaha składu - 15%

• dola zaprošanych supracoŭnikaŭ ź inšych krain - 2,5%

• dola zamiežnych studentaŭ - 2,5%

• dola supracoŭnikaŭ z vučonaj stupieńniu - 5%

• efiektyŭnaść internet resursaŭ - 10

• kolkaść apublikavanych artykułaŭ, jakija prychodziacca na adnaho supracoŭnika - 10%

• cytavanaść artykułaŭ - 5%

Nahadajem, raniej byŭ apublikavany suśvietny rejtynh univiersitetaŭ QS World University Rankings, jaki vydajecca hetym ža brytanskim ahienctvam QS Quacquarelli Symonds. U jaho taksama trapili dva biełaruskija VNU: BDU ŭ hrupu 421—430 i BNTU ŭ hrupu 701+.

• 0
• 0
• 0
• 0
• 0
• 0
• 0
• 0