Ekanomika ŭ jeŭrazonie ŭ 2015 hodzie vyrasła na 1,5%. Heta — najlepšyja pakazčyki z 2011 hoda, adnak niedastatkovyja dla taho, kab istotna źnizić uzrovień biespracoŭja ŭ rehijonie, jaki pa-raniejšamu pieravyšaje 10%. Pra heta paviedamiła jeŭrapiejskaje statystyčnaje viedamstva Jeŭrastat ŭ piatnicu, 12 lutaha.
U apošnim kvartale 2015 hoda ekanomika ŭ jeŭrazonie pavialičyłasia ŭsiaho tolki na 0,3 pracenta. Heta bolš, čym u ZŠA (rost u 0,2%), adnak ekśpierty adznačajuć, što heta ŭsio ž słabyja vyniki, uličvajučy takija spryjalnyja spadarožnyja faktary, jak tannaja enierhija, pasłableńnie valuty i kredytna-hrašovaje stymulavańnie.
Pa dadzienych Jeŭrastata, u ekanomicy jeŭrazony zachoŭvajucca mocnyja adroźnieńni pa rehijonach. Naprykład, u Ispanii ekanomika vyrasła ŭ apošnim kvartale 2015 hoda na 0,8%, u Niamieččynie — na 0,3%, u Francyi - na 0,2%, a ŭ Hrecyi - naadvarot, skaraciłasia na 0,6%. Praŭda, ekanamisty prahnazavali, što spravy ŭ Hrecyi pojduć jašče horš, i abjom jaje VUP źmienšycca na 0,9%.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ124
Kamientary