U Maskvie pa inicyjatyvie partyi «Kamunisty Rasii» prajšoŭ ustanoŭčy źjezd hramadskaj arhanizacyi «Ateisty Rasii».
Mierapryjemstva zaviaršyłasia pryniaćciem statuta novaj hramadskaj arhanizacyi.
«Adna z metaŭ arhanizacyi — heta razhortvańnie pa ŭsioj krainie masavaj prapahandy za navukova-naturalny śvietapohlad i navukovy analiz rečaisnaści suprać zababonaŭ i ciemrašalstva», — zajaviŭ staršynia arhkamiteta źjezda Illa Uljanaŭ.
Jon dadaŭ, što «vierniki i ateisty pavinny vałodać adnolkavymi pravami». Dziaržava i carkva nie pavinny ŭmiešvacca ŭ spravy adna adnoj, miarkuje Uljanaŭ.
Jon taksama ličyć, što KPRF (samaja šmatlikaja kamunistyčnaja arhanizacyja Rasii) admoviłasia ad abarony pravoŭ ateistaŭ i pajšła na zmovu z relihijnymi arhanizacyjami.
U 2016 hodzie niekatoryja miascovyja arhanizacyi KPRF admovilisia ad praviadzieńnia pieršamajskich demanstracyj, pakolki dzień salidarnaści pracoŭnych supaŭ z pravasłaŭnym Vialikadniem.
RPC paličyła taki krok niemetazhodnym.
U Maskvie pieršamajskija demanstracyi adbylisia, a lidar KPRF Hienadź Ziuhanaŭ u čarhovy raz zajaviŭ, što ličyć Isusa Chrysta pieršym kamunistam.
«Kamunisty Rasii» vystupajuć za dyjałoh ateistaŭ ź viernikami, ale ličać, što artykuł Kanstytucyi ab śvieckim charaktary dziaržavy pavinien niaŭchilna vykonvacca.
U abvieščanaj na źjeździe rezalucyi ateisty vykazali padtrymku partyi «Kamunisty Rasii» na majučych adbycca ŭ vieraśni vybarach u Dziaržaŭnuju Dumu.
U pracy źjezda pryniali ŭdzieł 289 delehataŭ z 50 rehijonaŭ Rasii. Siaredni ŭzrost udzielnikaŭ składaŭ kala 50 hadoŭ.
Novaja arhanizacyja płanuje padać zajavu ab rehistracyi ŭ ministerstva justycyi RF.
Niekatoryja ŚMI źviarnuli ŭvahu na toje, što źjezd prajšoŭ u piatnicu, 13 maja.
Kamientary