Hareŭ dach adnaho z budynkaŭ.
Udzień 19 vieraśnia ŭ sacsietkach źjaviłasia fota Doma Urada ŭ Minsku z kłubami čornaha dymu nad budynkam.
Praŭda, u MNS supakoili - ničoha nie hareła, dy i toje chutka patušyli.
«Tleŭ dach administratyŭnaha budynka. Płošča tleńnia — 5 kvadratnych mietraŭ. U 14 hadzin 4 chviliny nam paviedamili pra heta, u 14:08 tleńnie ŭžo likvidavali», - paviedamiŭ «Našaj Nivie» Vital Navicki, pres-sakratar MNS.
Pa słovach Navickaha, dach «naležaŭ» budynku pa adrasie Savieckaja, 11. A heta adras Doma ŭrada. Pavodle žurnalistaŭ NN, ratavalniki pracavali na dachu paŭkruhłaha budynka, što znachodzicca za kompleksam Doma ŭrada, z boku vulicy Miaśnikova.
Vidavočcy paviedamlali, što da budynku źjechalisia 16 mašyn MNS.
«Heta narmalnaja praktyka — pasyłać vialikuju kolkaść techniki, kali pastupaje paviedamleńnie ab nadzvyčajnaj situacyi ŭ administratyŭnym budynku. Ale kali jany prybyvajuć na miesca, i bačać, što stolki siłaŭ nie treba, to technika adzyvajecca, — skazaŭ Navicki. — Tamu nie vyklučaju, što mašyn było stolki. Dakładnuju kolkaść ja pakul nie nazavu, ale ich było bolš za dziesiać, tak».
Kamientary