Pad uražańniem ad padziejaŭ 25 i 26 sakavika Lavon Volski prezentuje na Tuzin.fm videa na pieśniu «Skončyłasia šoŭ», kudy ŭvajšli kadry z hvałtoŭnaha razhonu mirnaha mitynhu na Dzień Voli ŭ Miensku.
Pieśnia «Skončyłasia šou» zapisanaja hod tamu, kali ŭ Biełarusi zahavaryli pra liberalizacyju i adlihu. Jana ŭvajšła ŭ albom «Psychasamatyka». Na žal, jana sapraŭdy akazałasia prarockaj paśla sakavickich padziejaŭ u Biełarusi. Ułady ŭžyli žorstkija represii ŭ dačynieńni da ŭdzielnikaŭ sacyjalnych akcyj u Kurapatach i suprać dekretu №3, a taksama da žurnalistaŭ i naziralnikaŭ, u tym liku zamiežnych (u śpisie pravaabaroncaŭ 383 zatrymanyja).
«Skončyłasia šoŭ «demakratyzacyi». A šmat chto pavieryŭ u novaje «volnaje» žyćcio, nieabmiežavanyja kancerty na radzimie i parazumniełuju ŭładu. I daremna. Skončyłasia šoŭ», — zaznačyŭ Lavon u kamentary dla Tuzin.fm z nahody premjery rolika.
Muzyka zaznačaje, što padčas hvałtoŭnaha razhonu mirnaha šeścia, ludzi nie vyhladali na napałochanych ci źbiantežanych: «Ludzi vyhladali na žaŭnieraŭ u bai. Voś — my, ludzi, žychary hetaha horadu, hetaje krainy, a voś — jany, tyja, chto nie daje nam napoŭnicu žyć u hetym horadzie, u hetaj krainie. I my, ludzi, musim vystajać. I viarnuć sabie hety horad, hetuju krainu. I my vystaim. I vierniem».
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača26
Kamientary