U Biełarusi źjavicca arhanizacyja «Abaroncy pamiaci i praŭdy ab Vialikaj Ajčynnaj vajnie»
Rašeńnie ab stvareńni arhkamiteta i rabočaj hrupy pa padrychtoŭcy da stvareńni RHA «Abaroncy pamiaci i praŭdy ab Vialikaj Ajčynnaj vajnie» pryniataje na kruhłym stale, jaki prajšoŭ va Usichśviackim chramie-pomniku, pieradaje ahienctva «Minsk-Naviny».
minsknews.by
Kruhły stoł błasłaviŭ archimandryt Aleksij, nastajaciel prychodaŭ Śviatoj vialikapakutnicy Varvary i Śviatych dvanaccaci apostałaŭ Śvietłahorskaha rajona.
«Chto nie viedaje minułaha, u taho niama budučyni, — daŭ nakaz archimandryt Alaksij. — Siońnia ŭ nas dobraja meta: zachavać našu historyju, nie dać rastaptać jaje. U maim prychodzie jość vioska Ała. U hady Vialikaj Ajčynnaj tam adbyłasia trahiedyja, jakaja zabrała žyćci sotniaŭ darosłych i dziaciej. Lashas vyrašyŭ prakłaści darohu da lesanarychtovak, nie viedajučy, što jana projdzie pa miescy trahiedyi. I miortvyja ŭstali na svaju abaronu. Na niekalki dzion zaradziŭ doždž, jaki razmyŭ ziamlu i ahaliŭ kostki niavinna zabitych. Jany kažuć žyvym, što tam patrebny miemaryjał».
«Hałoŭnaja zadača — prapahanda pamiaci ab Vialikaj Ajčynnaj, — skazaŭ staršynia Minskaj haradskoj arhanizacyi HA «Abaroncy pamiaci i praŭdy ab Vialikaj Ajčynnaj vajnie» Siarhiej Alaksandravič. — Inakš nie budziem pamiatać ničoha. Tut nie vorah zachodniaja prapahanda, bo heta ich praca. Hałoŭny vorah — naša ŭłasnaje niežadańnie pamiatać i adukoŭvać, uviekaviečvać pamiać hierojaŭ vajny. Pamiać — heta nie skulptury savieckich sałdat i maci, nie pamiatnyja doški. Heta toje, što ŭ nas z vami ŭ hałavie i sercy».
Prysutnyja pahadzilisia, što treba bolš uvahi nadavać rabocie z moładździu, inšymi hramadskimi abjadnańniami i daśledčykami, jakija zajmajucca prablematykaj Vialikaj Ajčynnaj, vieteranskimi arhanizacyjami i sajuzami aficeraŭ. Pilna sačyć za stanam pomnikaŭ i miemaryjałaŭ pa ŭsioj krainie.
Udzieł u pracy kruhłaha stała ŭziali pradstaŭniki orhanaŭ dziaržaŭnaj ułady, navukovaj i ekśpiertnaj supolnaści, vieteranskich i maładziožnych arhanizacyj, tvorčyja dziejačy, pradstaŭniki rehijanalnych hramadskich abjadnańniaŭ «Abaroncy pamiaci i praŭdy ab Vialikaj Ajčynnaj vajnie».
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?49
Kamientary