23 śniežnia ŭ kafe «Viaśnianka» ŭ Salihorsku pravodziłasia šou-prahrama Dzieda Maroza z užyvańniem azotu, ale skončyłasia jana surjoznymi prablemami sa zdaroŭjem u dźviuch naviedvalnic, pieradaje partał autorun.by.
Azot vykarystoŭvaŭsia dla stvareńnia efiektnaha kaktejlu. Dla hetaha dadavałasia dźvie kropli vadkaha azotu dla astudžeńnia ałkaholnych napojaŭ. Praź dźvie chviliny paśla vypareńnia azotu treba było vypić astudžany ałkaholny napoj.
Paśla vypitaha kaktejlu adnoj z žančyn spatrebiłasia terminovaja špitalizacyja (joj zrabili apieracyju), jašče adna žančyna paźniej źviarnułasia ŭ Salihorskuju CRB z padobnymi simptomami. Na dadzieny momant abiedźvie znachodziacca ŭ ciažkim stanie ŭ reanimacyjnym adździaleńni Salihorskaj CRB
Aksana Cyžyk, jakaja za dzień da zdareńnia bačyła, jak pravodzicca dadzienaje šou, raspaviała: «Ludzi vychodzili sa svaimi napojami ŭ kielichach z-za stała, a Dzied Maroz vynies jomistaść, ź jakoj išła mocnaja biełaja para. Nie razhledzieła, u čym mienavita jon vynies, jon «zamarožvaŭ» napoi, ulivajučy tudy voś hetu biełuju paru, paravucha była kankretnaja, dźviuch chvilin ja nie ŭzhadaju, kab vytrymlivali. Prosta pa kuflach paru raźlili i vypili. Prynamsi mienavita tak u nas na karparatyvie było 22-ha śniežnia».
Sa słoŭ arhanizataraŭ šou, ekśpierymient pravodziŭsia nie pieršy raz i padobnych incydentaŭ nie było. Na dadzieny momant pravodzicca rasśledavańnie pa hetym zdareńni.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ124
Kamientary