Afryka raskołvajecca na dźvie častki: u Kienii pašyrajecca razłom FOTA
Vielizarnaja raskolina, što źjaviłasia na paŭdniovym zachadzie Kienii, moža raskałoć Afrykanski kantynient na dźvie častki. Šmatkiłamietrovy razłom supravadžajecca siejśmičnaj aktyŭnaściu ŭ hetym rajonie i niadaŭna pryvioŭ da razbureńnia častki šašy Najrobi—Narok, a taksama da novych raskolin i razłomaŭ.
Adna 72-hadovaja žančyna viačerała razam ź siamjoj u toj čas, jak ichni dom pačaŭ raskołvacca napałam, piša techtimes.com.
Uschodnieafrykanski razłom ciahniecca na 3000 kiłamietraŭ i padzialaje afrykanskuju plitu na dźvie niaroŭnyja častki — Samalijskuju i Nubijskuju plity, jakija adychodziać adna ad adnaje z chutkaściu šeść-siem milimietraŭ u hod. Na poŭdni razłom davoli małady i pašyrajecca z chutkaściu 2,5—5 santymietraŭ u hod.
138 miljonaŭ hadoŭ tamu ŭ vyniku takoha ž kantynientalnaha razłoma źjaviŭsia Atłantyčny akijan, kali Afryka i Amieryka adździalilisia adna ad adnaje (dahetul možna nazirać supadzieńnie ich bierahavych linij). Padobnaje moža adbycca i ŭ Afrykanskaj ryftavaj dalinie, kali akijan zapoŭnić razłom, a častka Afrykanskaha kantynienta, jakaja ŭklučaje Efiopiju i Samali, pieratvorycca ŭ vialiki vostraŭ. Praŭda, hety praces moža zaniać miljony hadoŭ.
Prakurorski načalnik aburyŭsia nieabhruntavanymi zatrymańniami biełarusaŭ8
Kamientary