Paśla taho, jak pačałasia novaja sieryja vyviaržeńniaŭ samaha aktyŭnaha vułkana ŭ śviecie Kiłauea, Vialiki vostraŭ Havai ŭskałychnuŭ šerah mahutnych ziemlatrusaŭ, piša Bi-bi-si.
Adzin ź ich — z mahnitudaj 6,9 — źjaŭlajecca najmacniejšym ziemlatrusam, zafiksavanym na terytoryi ZŠA z 1975 hoda.
Na vostravie časova źnikła padača elektraenierhii, miascovyja žychary i turysty pavinny byli pakinuć svaje damy. Ale papiaredžańniaŭ ab cunami niama.
Vyviaržeńnie Kiłauea pačałosia napiaredadni — heta samy małady naziemny vułkan na havajskich astravach.
U subotu vułkan praciahnuŭ vykidać fantany łavy vyšynioj 30 mietraŭ. Niekalki damoŭ razburana, na troch vulicach źjavilisia raskoliny.
Ahienctva pa abaronie hramadzianskaha nasielnictva ZŠA zaklikała ŭsich, chto ŭsio jašče znachodzicca niedaloka vułkana, evakuiravacca.
Tam adznačyli, što ŭ pavietry skancentravanyja śmiarotna niebiaśpiečnyja ŭzroŭni dyjaksidu siery, i ratavalniki nie zmohuć nikomu dapamahčy.
Napiaredadni na samym vialikim z havajskich astravoŭ abviaścili abaviazkovuju evakuacyju 1700 miascovych žycharoŭ.
Pavodle śviedkaŭ, łava pačała vylivacca na darohu, stvaryŭšy vohniennuju ścianu. Vakoł było čuvać pach siery i palenaha dreva.
Amierykanski Čyrvony Kryž adkryŭ punkty akazańnia dapamohi.
Na minułym tydni łava z vułkaničnaha kratara Puu Oo ŭžo raźlivałasia i dasiahnuła nasielenych punktaŭ.
Jak napisaŭ u tvitary havajski hubiernatar, u rehijonie pačała pracu nacyjanalnaja hvardyja — dla dapamohi z evakuacyjaj i padtrymańnia biaśpieki.
Vułkan Kiłauea na vyśpie Havai — samy aktyŭny vułkan u śviecie. Apošniaje jaho vyviaržeńnie praciahvajecca ad 1983 hoda.
Vułkan vielmi niepradkazalny i niebiaśpiečny, ale pahladzieć na jaho ŭsio adno štohod pryjazdžajuć tysiačy turystaŭ.
Kala viaršyni vułkana navat pabudavany muziej, u jakim sabrali źviestki pra vułkany Nacyjanalnaha parku «Vułkany Havajaŭ» i ich vyviaržeńni.
Kamientary