Niešta padobnaje na dron upała na dach doma ŭ Kišyniovie. Palicyja evakujavała žycharoŭ
Śpiecyjalisty i sapiory, jakija prybyli na miesca, ačapili terytoryju.

U noč na 28 krasavika na dach žyłoha doma ŭ centry Kišyniova ŭpaŭ abjekt, padobny da drona. Pra incydent paviedamiła staličnaja palicyja, jakaja ačapiła dom i evakujavała žycharoŭ, piša Newsmaker.
U palicyi paviedamili, što dron na dachu vyjaviŭ adzin z žycharoŭ doma. Śpiecyjalisty i sapiory, jakija prybyli na miesca, ačapili terytoryju. Pavodle papiaredniaj infarmacyi, abjekt atrymaŭ paškodžańni, udaryŭšysia ab dach budynka.
«Ź mierkavańniaŭ biaśpieki ŭsich žycharoŭ padjezda šmatkvaternaha doma časova evakujavali, pakul abjekt nie budzie vyvučany i vydaleny», — adznačyli pravaachoŭniki, zaklikaŭšy hramadzian nie dakranacca da nieviadomych abo padazronych pradmietaŭ i nieadkładna paviedamlać pra ich u słužbu 112.
Kamientary