Ministar abarony ZŠA Džym Metys paviedamiŭ 11 vieraśnia, što jon naviedaje Makiedoniju napiaredadni referendumu ab źmienie nazvy krainy, jaki adbudziecca 30 vieraśnia. Metys vykazaŭ aściarohu nakont mahčymaha ŭmiašańnia Maskvy ŭ chod hałasavańnia ŭ Makiedonii, paviedamlaje Radyjo Svaboda.
U červieni ŭrad Makiedonii damoviŭsia z uładami Hrecyi ab źmienie nazvy respubliki na Paŭnočnuju Makiedoniju. U hetym vypadku Hrecyja nia budzie vystupać suprać uvachodžańnia susiedniaj krainy ŭ skład NATO i Eŭrapiejskaha źviazu.
«Ja zaniepakojeny hetym. Tyja dziejańni, jakija Rasieja ŭžo praktykavała ŭ šmat jakich krainach, ad Estonii da Złučanych Štataŭ, ad Ukrainy i ciapier da Makiedonii — u kožnaj asobnaj sytuacyi jana adaptavała svaju taktyku i zaŭsiody rabiła heta pa-za ŭsialakimi maralnymi pryncypami», — skazaŭ Metys žurnalistam.
Vizyt ministra abarony ZŠA ŭ bałkanskuju respubliku zaplanavany na kaniec hetaha tydnia. Metys padkreśliŭ, što ZŠA padtrymlivajuć žycharoŭ Makiedonii. NATO zaprasiła Skopje pačać pieramovy ab uvachodžańni ŭ aljans, adnak pierš, čym heta zdarycca, u kanstytucyju krainy pavinny być uniesienyja źmianieńni ab źmienie nazvy.
U Eŭraźviazie taksama zapeŭnili, što pieramovy ab uklučeńni krainy ŭ skład Eŭrapiejskaj supolnaści pačnucca ŭ zaležnaści ad vyniku referendumu ab pierajmienavańni respubliki.
Ciapier čytajuć
Anžalicy Mielnikavaj vydali pašpart prykryćcia na imia Anhieliny Radzivonavaj?13
Kamientary