U minskim zaaparku zahinuła zubrania, mianušku jakomu vybirali ŭsim śvietam
Zubrania naradziłasia ŭ Minskim haradskim zaaparku ŭ noč z 12 na 13 maja 2018 hoda. Jaho źjaŭleńnie na śviet u niavoli stała sapraŭdnaj padziejaj, jak dla samoj ustanovy, tak i dla haradžan.
Mianušku maładomu vołatu prapanavali vybrać ludziam na admysłovym konkursie. Udzieł u im pryniali dźvie tysiačy čałaviek. Pa vyniku zubrania nazvali Bułatam. Adnak žyćcio Bułata było niepraciahłym, na momant zdareńnia jamu było ŭsiaho vosiem miesiacaŭ.
Infarmacyju pra niaščasny vypadak Zialonamu partału paviedamiła krynica vartaja davieru, jakaja pažadała zastacca nie nazvanaj. Pa słovach insajdara, Bułat pavinny byŭ pierajechać žyć u adzin z zaaparkaŭ Kazachstana. Ale pry transparciroŭcy zubr atrymaŭ traŭmy niesumiaščalnyja z žyćciom.
Zialony partał źviarnuŭsia za kamientarom da viadučaha zaatechnołaha ŭstanovy Alaŭciny Cimaškovaj-Krasoŭskaj, kab spraŭdzić infarmacyju.
Jana paćvierdziła, što Bułata sapraŭdy pavinny byli pieravieźci ŭ Šymkiencki zaapark, dzie jaho čakała samka, ź jakoj jon musiŭ stvaryć paru. Adnak zubr pamior. Praŭda abstavinaŭ śmierci zubra zaatechnołah nie raspaviała.
«Takoje zdarajecca nie tolki z žyviołami, ale i ź ludźmi. Abstaviny skłalisia tak, što jon zahinuŭ, pa niezaležnych ad ludziej pryčynach», — patłumačyła śpiecyjalistka.
U Minskim zaaparku zastajecca žyć para zubroŭ, što jašče moža dać patomstva.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary