CVK Ukrainy pad hramadskim ciskam admianiŭ rehistracyju na vybary paplečnika Janukoviča
Centralnaja vybarčaja kamisija Ukrainy admianiła rehistracyju eks-kiraŭnika administracyi Viktara Janukoviča Andreja Klujeva i skandalnaha prarasijskaha błohiera Anatola Šaryja jak kandydataŭ u narodnyja deputaty.

Arhumientami stała toje, što Andrej Klujeŭ supravadžaŭ Janukoviča pry pierasiačeńni miažy z Rasijaj. Akramia taho, u śniežni 2016 hoda Klujeŭ udzielničaŭ u pasiadžeńniach suda ŭ Maskvie, a mižnarodnaja pošta ad śledčych nieadnarazova nie dachodziła Klujevu ŭ Danieck. Takim čynam, Klujeŭ nie žyvie va Ukrainie z 2014 hoda i nie moža być deputatam.
Taksama adnahałosna CVK admianiŭ rehistracyju skandalnaha błohiera Anatola Šaryja, jaki źjechaŭ z Ukrainy jašče ŭ 2012 hodzie.
Abodva palityki — Klujeŭ i Šaryj — praśledujucca pravaachoŭnymi orhanami Ukrainy.
Ich pieršapačatkovaja rehistracyja ŭ jakaści kandydataŭ aburyła ŭkrainskuju hramadskaść. 2 lipienia ŭviečary na kijeŭski Majdan vyjšli niekalki sotniaŭ hramadzian, jakija vystupili suprać rehistracyi kandydatami ŭ deputaty Anatola Šaryja i Andreja Klujeva.
Kamientary