Maładafrontaŭcu pakazali razdrukoŭki padsłuchoŭvańniaŭ
5 lipienia ŭ Miensku ŭ prakuraturu vyklikali na dopyt Nastu Pałažanku i Alaksieja Janušeŭskaha. Pozvy na dopyt atrymaŭ taksama Kiryła Šymanovič. 12 lipienia vyklikali Źmitra Chviedaruka. U Babrujsku 13 lipienia na dopyt vyklikali Valera Mackieviča: chłopcu pakazali razdrukoŭki (na 40 arkušach) telefonnych razmovaŭ pamiž moładzievymi aktyvistami. 14 lipienia ŭ niaśviskaj prakuratury dapytali Nastu Azarku.
13 lipienia maładafrontaŭcy atrymali adkaz z HUUS Mienharvykankamu na patrabavańni svajoj 20-dzionnaj haładoŭki: jana nazvanaja niesankcyjanavanaj, bo arhanizatary «masavaj akcyi» nie paviedamili pra miesca i čas, tamu vykanać patrabavańni haładoŭnikaŭ harvykankam admoviŭsia.
Praces Kazulina: chronika
Sudovy praces nad eks-kandydatam u prezydenty raspačaŭsia 6 lipienia. Ad samaha pačatku ŭ zalu pieraškadžali patrapić žurnalistam i zamiežnym dyplamatam. Śmiech u zali vyklikała zabarona Julii Kazulinaj, dačce abvinavačanaha, vystupać u jakaści abaroncy: sudździa (Alaksiej Rybakoŭ) skarystaŭ šum jak padstavu dla taho, kab vydalić usich hledačoŭ.
6 lipienia kala sudu zatrymali Kryścinu Šacikavu (na joj była čyrvonaja sakołka z partretam Kazulina) i nastupnaha dnia aštrafavali na 2 bazavyja vieličyni (62 tys.).
Sudździa admoviŭsia vyklikać śviedkaŭ z boku Kazulina, u tym liku byłoha bajca padraździaleńnia «Ałmaz».
12 lipienia Kazulina vydalili z zały sudu, pazbaviŭšy apošniaha słova. Prakuror Siarhiej Bortnik zapatrabavaŭ 6 hadoŭ pazbaŭleńnia voli. 13 lipienia sud prysudziŭ 5,5 hadoŭ kalonii ahulnaha režymu.
14 lipienia razhladałasia skarha advakataŭ na niezakonnaje zatrymańnie palityka 25 sakavika. Sud adchiliŭ skarhu.
Praces Aŭtuchoviča
7 lipienia sud Kastryčnickaha rajonu Horadni abvieściŭ vyrak vaŭkavyskamu pradprymalniku Mikałaju Aŭtuchoviču: 3 hady j 6 miesiacaŭ kalonii ŭzmocnienaha režymu z kanfiskacyjaj majomaści i 5-hadovaj zabaronaj zajmacca pradprymalnickaj dziejnaściu. Jurja Lavonava asudzili na 3 hady j 5 miesiacaŭ kalonii ŭzmocnienaha režymu i zabaranili 5 hadoŭ zajmać administracyjna-haspadarčyja pasady. Aprača taho, jany pavinny spłacić štraf u pamiery 1,32 młrd rub.
Pad Miadziełam
3 lipienia na śviatkavańni Dnia Respubliki kala pomnika vychvaleńnia padčas razdačy ŭlotak z zaklikam źviartacca ŭ AHP nakont raźviazańnia nabalełych prablemaŭ zatrymali Andreja Abaleviča. U pastarunku ź jaho ŭziali piśmovaje tłumačeńnie.
4 lipienia: sprava Dzianisava-Jełavoj
U Viciebsku raspačataja kryminalnaja sprava u dačynieńni da aktyvistaŭ «Buntu» Dzianisa Dzianisava (AHP) i Taciany Jełavoj pa śladach padziejaŭ 18–19 červienia.
U Miensku ŭ parku imia Horkaha milicyjanty zatrymali moładzievych aktyvistaŭ Źmitra Chviedaruka i Alaksieja Janušeŭskaha za «niezarehistravanuju symboliku» na vopratcy.
5 lipienia: haładoŭka ŭ Bieraści
Kalehija Mahiloŭskaha abłsudu nie zadavoliła skarhi moładzievaha aktyvista Sieržuka Niahacina i aktyvista PBNF Mikałaja Małachava, aštrafavanych uviesnu za raspaŭsiud ulotak.
Administracyjnaja kamisija Pieršamajskaha rajonu Miensku aštrafavała Z.Chviedaruka na 2 b.v. za raspaŭsiud 13 červienia ulotak «biez vychodnych źviestak».
U Bieraści pačali biesterminovuju haładoŭku ŭładalniki i rabotniki maršrutnych taksovak: jany pratestujuć suprać respublikanskaha zboru za ŭvoz u krainu transpartnych srodkaŭ z kamercyjnymi metami. Na 17 lipienia ŭ joj udzielničali 13 čałaviek.
6 lipienia: štraf u Homieli
Homielskich aktyvistaŭ AHP Andreja i Kaciarynu Tołčynu vyklikali da sudovaha vykanaŭcy: na ich jašče 11 traŭnia administracyjaj Savieckaha rajonu zavočna nakładzieny štraf u 5 b.v. na kožnaha za «niezakonny raspaŭsiud drukavanych materyjałaŭ».
Salihorski sud vynies papiaredžańnie baćkam 16-hadovaha Jaŭhiena Miadźviedzieva, zatrymanaha ŭ siaredzinie červienia padčas pikietu suprać sudu.
7 lipienia: palityčnaja psychijatryja
U Viciebsku za raspaŭsiud niedziaržaŭnaj presy zatrymali Barysa Chamajdu. Jaho źvinavacili ŭ handli ŭ nienaležnym miescy j supracivie milicyi dy aryštavali na 2 sutak. 10 lipienia jaho znoŭ zatrymali j aštrafavali za handal u nienaležnym miescy na 1 b.v. 12 lipienia zatrymańnie skončyłasia tolki pratakołam.
U Miensku razahnany žyvy łancuh u pamiać ab Źmitry Zavadzkim. Zatrymanyja kala 10 udzielnikaŭ, jakich vypuścili biez pratakołaŭ. Siarod zatrymanych Natalka Charytaniuk, Alaksandra Chudasoŭcava, Ściapan Navasialčan, Siarhiej Vakulenka, Mikałaj Piekar.
U Horadni na takoj samaj akcyi zatrymana 6 čałaviek. Paŭła Jazierskaha paśla dopytu ŭ milicyi zavieźli ŭ psichijatryčnuju lakarniu: na ŭsie pytańni milicyjantaŭ jon adkazvaŭ «nia pamiataju». Daktary kažuć, što vypuściać 26-hadovaha chłopca tolki praź miesiac. Raniej chłopiec nikoli na psychijatryčnym uliku nie stajaŭ.
Stała viadoma, što sud nad aktyvistami niezarehistravanaj arhanizacyi «Partnerstva» Cimocham Drančukom, Mikołam Astrejkam, Eniraj Branickaj i Alaksandram Šałajkam pieraniesieny z 20 na 28 lipienia i budzie zakrytym.
8 lipienia: Statkievič
Mikołu Statkieviču, adpuščanamu ŭ Miensk na 2-tydniovy adpačynak, zatelefanavaŭ kiraŭnik Baranavickaj speckamendatury i paviedamiŭ, što palitviaźniu nielha pierasiakać miažu Pieršamajskaha rajonu stalicy: palityk chadziŭ na sud nad Alaksandram Kazulinym.
10 lipienia: sud nad vandałam
Basmanny sud Maskvy pačaŭ razhlad kryminalnaj spravy hramadzianina Biełarusi Jurasia Ivaniukoviča: jaho vinavaciać u vandaliźmie za toje, što napisaŭ na biełaruskaj ambasadzie «Žyvie Biełaruś» i «BT chłusić». Praces adkładzieny da 20 lipienia: chłopcu šukajuć biełaruskamoŭnaha pierakładčyka.
Aktyvista AHP Ivana Kruka z Astraŭca, zasudžanaha na 6 miesiacaŭ aryštu, adpravili adbyvać pakarańnie.
U Voršy za rasklejku plakataŭ «Svabodu Kazulinu» zatrymali Ihara Kryštona. U pastarunku jon prabyŭ 8 hadzinaŭ, bo nie było kamu dapytać zatrymanaha. Na jaho skłali partakoł za «parušeńnie praviłaŭ dobraŭparadkavańnia i ŭtrymańnia nasielenych punktaŭ i raźmiaščeńnie abjavaŭ u nieadpaviednych miescach».
9 lipienia: a čaho jany jeździajuć
U Biełaruś nie puścili troch polskich senataraŭ, u tym liku kiraŭniku biuro senataraŭ Artura Kazłoŭskaha, a taksama kiraŭnika «Wspolnoty Polskiej» Andžeja Stelmachoŭskaha: jany jechali na sustrečy ź niepryznanym uładami Sajuzam palakaŭ Biełarusi.
11 lipienia: spynieńnie «Chimika»
Niedziaržaŭnaja hazeta «Chimik» u Navapołacku prypyniła vychad na niapeŭny termin. Vydańnie, vyklučanaje z padpisnych katalohaŭ i «Sajuzdruku», nia zdoleła arhanizavać systemu raspaŭsiudu praź pieraškody ŭładaŭ. Harvykankam taksama admoviŭsia dać kalektyvu hazety licenziju na razdrobny handal.
Mahiloŭskaj supołcy prafsajuzu REP uprava justycyi harvykankamu čarhovy raz admoviła ŭ rehistracyi. Aficyjnaja pryčyna – nia ŭzhodnieny z ułaśnikam jurydyčny adras. Raniej supołka padavała zajaŭku na pikiet na znak pratestu ŭ admovie rehistracyi: ad jaje zapatrabavali apłacić u tym liku i arendu ziamli, na jakoj mieŭsia adbycca pikiet.
12 lipienia: a dzie tam Siviec
Navapołackija aktyvisty padali skarhu staršyni Viciebskaha abłvykankamu Ŭładzimieru Andrejčanku na kiraŭnictva navapołackaha harvykankamu. Aktyvisty mielisia ładzić štodzionnyja pikiety padtrymki palitviaźniaŭ kala pałacu kultury z 26 krasavika pa 26 červienia. Im dali dazvoł tolki na adzin taki pikiet, a na astatnija – u haradzkim parku.
U Homieli 12 i 13 lipienia kapitan milicyi Harbacienka prychodziŭ dadomu da moładzievaj aktyvistki Julii Siviec i cikaviŭsia, ci ŭ horadzie jana. Dziaŭčyna ličyć, što heta źviazana z tym, što KDB pieradaŭ u prakuraturu materyjały pa začynienaj uładami HA «Moładzievy centar «Hart».
13 lipienia Viarchoŭny sud pakinuŭ u sile rašeńnie Mienharsudu pra likvidacyju relihijnaj supołki «Zapaviet Chrysta»: aficyjnaja pryčyna – nieadpaviedny juradras.
15 lipienia ŭ aeraporcie Maskvy rasiejskija pamiežniki nie puścili ŭ krainu halandku Iren van der Brok, čyjo imia jość u biełaruskim «čornym śpisie».
16 lipienia
Akcyja Dzień salidarnaści kala rasiejskaj ambasady ŭ Miensku žorstka razahnanaja specnazam. Zatrymanyja Pavał Davidovič, Jahor Viniacki, Alaksiej Laŭkovič, Pavał Varabjoŭ, Ivan Šablinski, Anatol Askierka, Źmicier Barodka, Valankcin Susła, Hanna Varaniec, Alaksiej Dziemidovič, Źmicier Chviedaruk, Aleh Klušna, Alaksandar Ściepanienka, Vital Haŭrylenka, Andrej Hałko, Alaksandar Vajtovič, Andrej Babicki (dastavili ŭ RUUS źbitaha da kryvi), Alaksiej Kuksik, Ihar Pandziłaŭ, Alesia Jasiuk, Šaŭlukievič, Nadzieja Klimovič, Siarhiej Kulinčanka, Siarhiej Michalkoŭ, Mikita Šuciankoŭ, Siarhiej Łasy, Uładzimier Michalkoŭ, Mikita Krasnoŭ, Rusłan Maćviejeŭ, Alaksandar Kuško, Natalla Lavonava, Siarhiej Davydčuk, Uładzisłaŭ Barodka, Michaił Kandrašoŭ, Vadzim Klučnik, Nastaśsia Šaškova, Taciana Škraba, Ivan Šutko, Taciana Kankar, Anatol Labiedźka, Alaksandar Vidnikievič. Nastupnaha dnia A.Askierku i A.Labiedźku asudzili na 10 sutak.
U Mahilovie na akcyi salidarnaści zatrymanaja Kryścina Šacikava z 10-hadovym synam Mikitam, a taksama Siaržuk Hirkin, Iryna Kačarova (AHP), Aleh Dźjačkoŭ (TBM). U Horadni zatrymanyja Jury Istomin, Uładzimier Łaryn, Alaksandar Kraŭcevič, Pavał Białanaŭ, Mikałaj Voran. U Baranavičach zatrymali 7 maładziovych aktyvistaŭ: 6 adpuścili, bo niepaŭnahadovyja, na Juliju Charkievič skłali administracyjny pratakoł.
17 lipienia: zatrymali za biełaruskuju movu
U Centralnym sudzie Homiela pačaŭsia razhlad skarhi aktyvista AHP Vasila Palakova na abłvykankam, jaki ŭ krasaviku nie dazvoliŭ pravieści čarnobylski mitynh.
U Vialejcy aktyvista PBNF Alaksieja Siudaka, zatrymanaha 15 lipienia padčas milicejskaha rejdu, sud aštrafavaŭ na 1 b.v.
Sa słovaŭ Mikałaja Aharodnika, jaki viartaŭsia z adpačynku, u Baranavičach zatrymali za toje, što adkazaŭ milicyjantu na pytańnie pa-biełarusku. U pastarunku na jaho skłali pratakoł, što supraciŭlaŭsia milicyjantam.
-
«A ruskich imionaŭ nie znajšłosia?» Były futbalist zbornaj Rasii ździviŭsia imionam biełaruskich dziaciej
-
«U dački mukaviscydoz, u syna dyjabiet i aŭtyzm. Ich mama ŭ turmie, i dzieci ciapier na mnie adnym». Siamji palitviaźnia patrebnaja dapamoha
-
U Vilni pakažuć rastruščany siłavikami biust Ivana Łuckieviča. Da 120‑hodździa «NN» Biełaruski muziej adkryvaje vystavu z unikalnymi ekspanatami
Kamientary