Hramadstva11

«Šantažavali «budučym vašaj žonki i stanam jaje mamy». Muž asudžanaj na 10 hadoŭ Volhi Charłamavaj raskazaŭ pra sproby viarboŭki z boku KDB

Učora stała viadoma pra nialudski prysud palitołahu i miedyjaanalityku Volzie Charłamavaj — 10 hadoŭ kałonii. Jaje muž, palityčny analityk z Ukrainy Ihar Tyškievič raskazaŭ u fejsbuku pra sprobu KDB zavierbavać jaho.

Ihar Tyškievič, fota ź jaho fejsbuka

«Tak, maja žonka, Charłamava Volha, učora atrymała prysud — 10 hadoŭ pazbaŭleńnia voli i dosyć vialiki štraf. Klučavy artykuł — zdrada dziaržavie. Jana była zatrymanaja (z druhoj sproby) KDB Biełarusi 26 červienia 2025 hoda. Praz 2 hadziny paśla zatrymańnia jaje «paprasili» nabrać mianie.

Dalej była amal trochhadzinnaja sproba viarboŭki i šantažu. Pry hetym šantažavali «budučym vašaj žonki i stanam jaje mamy».

Tut varta adznačyć, što maci Volhi ciažka chvoraja, i heta byŭ adzin z asnoŭnych «jakaraŭ», jakija trymali jaje ŭ Biełarusi.

KDB cikaviła infarmacyja pra biełarusaŭ, jakija vajujuć na baku Ukrainy, ale najbolš — maje kantakty va ŭkrainskaj palitycy, dziaržorhanach i strukturach, jakija siońnia źjaŭlajucca častkaj Sił abarony Ukrainy. I moj analiz», — napisaŭ Ihar Tyškievič.

Jon kaža, što razmova była zapisanaja im i nastupnaj ranicaj pieradadzienaja na vyvučeńnie supracoŭnikam SBU.

«I maja pazicyja, i pazicyja Volhi, jakaja (jak pradčuvała) napiaredadni ŭziała ź mianie słova, što ŭ vypadku, kali budzie «šantaž joju», ja na jaho nie paddamsia. Dalej było paŭtara hoda «śledstva», padčas jakoha artykuły padazreńnia aktyŭna mianialisia. Za hety čas było nie mienš za dva etapy pa niekalki miesiacaŭ žorstkich sprob psichałahična «łamać» Volhu. Uskosna heta było zrazumieła pa spynieńni ŭsialakaha listavańnia (u tym liku listoŭ ad svajakoŭ, rodnych i znajomych) dy inšych prykmietach.

U vyniku — try artykuły abvinavačańnia, asnoŭny ź jakich — «zdrada dziaržavie». Dalej sud, jaki pačaŭsia ŭ žniŭni, i pasiadžeńni praciahvalisia da ŭčora. I prysud, pra jaki ŭžo pajšła infarmacyja», — raskazaŭ jon.

«Publičnaść u hetaj spravie. Śviadomaje rašeńnie blizkich i siabroŭ nie rabić kiejs publičnym. U hetym była peŭnaja łohika, źviazanaja i z ukrainskim bokam. Pra jakuju ja budu hatovy adkazvać tolki paśla taho, jak Volha budzie na svabodzie i paśla zakančeńnia/zamarožvańnia vajny», — dadaŭ Ihar Tyškievič.

Kamientary1

  • poniatno
    21.11.2026
    Skotnyj dvor łukašienko i jeho hieb́jo, rabotajut na svojeho barina v Moskvie, inačie, ni łukašienko, ni jeho hieb́jo nie ostanutsia v Biełarusi.

Ciapier čytajuć

«Samy niebiaśpiečny — Piatruchin. A bolšaść — karysnyja idyjoty». Admin kanała «Biełaruskaja ahientura» daŭ vialikaje intervju23

«Samy niebiaśpiečny — Piatruchin. A bolšaść — karysnyja idyjoty». Admin kanała «Biełaruskaja ahientura» daŭ vialikaje intervju

Usie naviny →
Usie naviny

Pad Barysavam upalavali pieršuju ŭ hetym siezonie ryś2

Analityka Volhu Charłamavu asudzili na 10 hadoŭ kałonii6

Biełarusy masava biaruć ilhotnyja kredyty pad 4%1

U internecie hałasujuć za turystyčny łahatyp Biełarusi. Siarod lidaraŭ prajekt byłoha palitviaźnia4

Dua Lipa ŭžo nosić kurtku, jakuju ŭsie zachočuć hetaj zimoj11

«Heta takaja drobnaja, ahidnaja pomsta Ramana». Sofja Sapieha raskazała, jak jaje padmanam źniali dla pieradačy Pratasieviča12

Zapłacili, kab źmierznuć na stadyjonie. Fanaty «Sełtyka» sabrali 90 tysiač jeŭra za adnu noč1

Viciebski viadučy, na jakoha danieśli za žart na zakrytym mierapryjemstvie, raskazaŭ, čym usio skončyłasia4

Sieviaryniec: Cichanoŭski pierajšoŭ čyrvonuju rysu. Nie hańbi mužčynaŭ i biełarusaŭ. Viartajsia63

bolš čytanych navin
bolš łajkanych navin

«Samy niebiaśpiečny — Piatruchin. A bolšaść — karysnyja idyjoty». Admin kanała «Biełaruskaja ahientura» daŭ vialikaje intervju23

«Samy niebiaśpiečny — Piatruchin. A bolšaść — karysnyja idyjoty». Admin kanała «Biełaruskaja ahientura» daŭ vialikaje intervju

Hałoŭnaje
Usie naviny →

Zaŭvaha:

 

 

 

 

Zakryć Paviedamić