U Navapołacku indyvidualnaha pradprymalnika adpravili na sutki za łahatyp płatformy «Hołas» u fejsbuku
Vyznačyłasia ŭdarnica sudovaj sistemy Zinaida Bałabołava.
Zhodna z pratakołam Dźmitryj Apanasovič na praciahu troch hadoŭ, pačynajučy z kastryčnika 2020 hoda, u fejsbuku zachoŭvaŭ fatahrafiju, jakaja «źmiaščaje vyjavu ź simvolikaj bieł-čyrvona-biełaha koleru — łahatyp z płatformy «Hołas» — vyjavu biełaj śniažynki na błakitnym fonie.
Rabotniki HUBAZiKa paličyli, što mužčyna takim čynam «publična vykazaŭ svaje asabistyja pohlady na padziei hramadska-palityčnaha žyćcia ŭ Biełarusi, a taksama ŭ adkrytym dostupie raźmiaściŭ infarmacyjnuju pradukcyju, uklučanuju ŭ respublikanski śpis ekstremisckich materyjałaŭ».
Pry hetym «pravaparušalnik nie mieŭ na heta dazvoł ad čynoŭnikaŭ Navapołackaha harvykankama.
Vynik — 10 sutak
Kamientary