Siarod paciarpiełych ad vybuchaŭ u maskoŭskim mietro jość hramadzianka Biełarusi
Heta 30-hadovaja Rudenka Volha Alaksandraŭna.
Pavodle źviestak MNS Rasii, u Botkinskuju balnicu dastaŭlena 30-hadovaja Rudenka Volha Alaksandraŭna.
Paciarpieli taksama hramadzianie Małajzii (dva čałavieki) i Filipin (adzin). Siarod zahinułych jość hramadzianin Tadžykistana.
Botkinskuju balnicu, dzie znachodziacca 13 paciarpiełych, naviedaŭ premjer-ministr Rasii Uładzimir Pucin, jaki pierapyniŭ rabočuju pajezdku ŭ Krasnajarsk i viarnuŭsia ŭ Maskvu. Jak paviedamlaje pres-słužba Biełaha doma, u balnicu jon prybyŭ z aeraporta. U supravadžeńni ministra achovy zdaroŭja i hałoŭnaha ŭrača balnicy Pucin naviedaŭ pałaty, dzie prachodziać lačeńnie paciarpiełyja ŭ teraktach na stancyjach maskoŭskaha mietro.
Premjer-ministr «pahutaryŭ z chvorymi, pacikaviŭsia ich samaadčuvańniem i pažadaŭ najchutčejšaha vyzdaraŭleńnia».
U hutarcy z daktarami Pucin, «u pryvatnaści, cikaviŭsia, ci dastatkova miedycynskich srodkaŭ i abstalavańnia dla akazańnia dapamohi». Hałoŭny lekar balnicy «zapeŭniŭ premjera, što paciarpiełyja atrymlivajuć uvieś nieabchodny dohlad i nijakich prablem ni ź miedykamientami, ni z čymści inšym u balnicy niama».
Pavodle infarmacyi hałoŭnaha lekara, jakuju pryvodzić RIA Novosti, adzin paciarpieły znachodzicca ŭ vielmi ciažkim stanie, try — u ciažkim. Praapieravany čatyry čałavieki. Piaciora znachodziacca ŭ adździaleńni reanimacyi, astatnija — u łor-adździaleńni i adździaleńni niejrachirurhii.
U kancy svajho naviedvańnia Pucin paviedamiŭ prysutnym, što ŭsie siemji zahinułych atrymajuć kampiensacyju ŭ 1 młn. rubloŭ (prykładna 34 tys. dalaraŭ ZŠA), ciažka paciarpiełyja — pa 400 tys., tyja, chto atrymaŭ lohkija traŭmy, — pa 300 tys. rubloŭ.
Jak paviedamlałasia raniej, dva vybuchi na stancyjach «Łubianka» i «Park kultury» prahučali ranicaj 29 sakavika ź intervałam mienš za hadzinu. Zahinuli 38 čałaviek, 68 — paciarpieli. Raspačaty kryminalnyja spravy na padstavie artykuła «Terarystyčny akt».
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača28
Kamientary