Siamaška: Kredytnaja linija ŭ $15 młrd — stryžań biełaruska‑kitajskich adnosinaŭ
«My ličym, što našy adnosiny majuć značna bolšy patencyjał, prynamsi ŭ razy bolšy, čym ciapier».
Patencyjał biełaruska‑kitajskich uzajemaadnosinaŭ pakul nie zadziejničany ŭ poŭnaj stupieni.
Takoje mierkavańnie vykazaŭ pieršy namieśnik premjer‑ministra Uładzimir Siamaška 28 červienia ŭ Minsku na sustrečy z namieśnikam ministra kamiercyi KNR, staršynioj kitajskaj častki biełaruska‑kitajskaj kamisii pa handlova‑ekanamičnym supracoŭnictvie Hao Chučenam.
«My ličym, što našy adnosiny majuć značna bolšy patencyjał, prynamsi ŭ razy bolšy, čym ciapier», — zajaviŭ Siamaška.
Jon nahadaŭ, što 25 červienia ŭ prezidenta Biełarusi prajšła narada, na jakoj razhladalisia biełaruska‑kitajskija adnosiny ŭ ekanamičnaj śfiery.
«Stryžań hetych adnosinaŭ — asvajeńnie kredytnaj linii ŭ 15 młrd. dalaraŭ, adkrytaj Kitajem dla Biełarusi»,
— adznačyŭ Siamaška. Pavodle jaho słoŭ, biełaruski ŭrad užo padrychtavaŭ pad hetuju kredytnuju liniju bolš za sto bujnych prajektaŭ.
Jak adznačyŭ pieršy vice‑premjer, Biełaruś stanoŭča aceńvaje adnosiny z Kitajem u palityčnaj, ekanamičnaj, finansavaj śfierych. Z udziełam kitajskich kampanij i finansavych resursaŭ u Biełarusi vykonvajecca šerah bujnych prajektaŭ, u tym liku budujucca novyja cemientnyja zavody, madernizujucca CEC.
U 2003—2009 hadach u ekanomiku Biełarusi pastupiła kitajskich inviestycyj prykładna 232 młn. dalaraŭ ZŠA. Suma pryciahnutych Biełaruśsiu źniešnich dziaržaŭnych pazyk z KNR u 2009 hodzie skłała 543,1 młn. dalaraŭ ZŠA.
Kitaj źjaŭlajecca adnym z najvažniejšych źniešniehandlovych partnioraŭ Biełarusi. Pavodle vynikaŭ minułaha hoda kraina zaniała 5‑ie miesca pa abjomie tavaraabarotu, 11‑ie — pa eksparcie Biełarusi i 2‑ie — pa imparcie siarod krain dalokaha zamiežža.
Apošnimi hadami asnoŭnymi artykułami biełaruskaha ekspartu ŭ KNR byli kalijnyja ŭhnajeńni, kaprałaktam, karjernyja samazvały i zapčastki da ich, elektronnyja intehralnyja schiemy i mikrazborki, chimičnaja pradukcyja.
Asnoŭnyja hrupy biełaruskaha impartu z KNR — abstalavańnie, kamplektavalnyja vyraby i materyjały dla ekspartna aryjentavanych vytvorčaściej Biełarusi, spažyvieckija tavary.
Kamientary